(વિનુ જોશી દ્વારા) જૂનાગઢ,તા.૨૮: મેંદરડા ખાખી મઢી રામજી મંદિર ખાતે બુધવારના રોજ મહામંડલેશ્વર શ્રી ૧૦૦૮ પૂ.સુખરામદાસબાપુના સાનિધ્‍યમાં ગુરૂપૂર્ણિમાની ઉજવણી કરવામાં કરશે.

જેમાં સવારે ૭ વાગ્‍યે ગુરૂપૂજનના કાર્યક્રમમાં પૂ.સુખરામદાસ બાપુ તેમના ગુરૂદેવ રામકિશોરદાસજી બાપુની ચરણ પાદુકાનું શાસ્‍ત્રોક્‍ત વિધીથી પૂજન કરશે. બાદમાં સેવક સમુદાય પૂ.સુખરામદાસ બાપુનું ભાવ પૂજન કરશે. અને સવારે ૧૦:૩૦ કલાકે નુતન રામજી મંદિરનું જે નિર્માણ થનાર છે તેનું ખાતમર્હુત ભુમિ પૂજન કરવામાં આવશે. અને બપોરે ભોજન પ્રસાદનું આયોજન કરાયું છે. તો આ પ્રસંગે સર્વે ગુરૂભક્‍તો ભાવિકોને લાભ લેવા પૂ.સુખરામદાસ બાપુએ જાહેર નિમંત્રણ પાઠવ્‍યું છે.