જગપ્રસિદ્ધ દ્વારકાધીશ મંદિરમાં પવિત્ર પુરૂષોત્તમ માસમાં વિવિધ દિવ્ય ઉત્સવો દર્શનો વિશેષ કાર્યક્રમ
હિંડોળા ઉત્સવ, વસંત પંચમી, રામ નવમી, તુલસી વિવાહ અને જન્માષ્ટમી સહિતના પર્વો પર આરતી અને દર્શનના સમય પત્રકમાં થયેલા ફેરફારની વિગતવાર માહિતી
(વિનુભાઇ સામાણી દ્વારા) દ્વારકા, તા.૧૮: દ્વારકાધીશ મંદિરની વહીવટદાર કચેરી દેવભૂમિ દ્વારકા દ્વારા આગામી પવિત્ર પુરૂષોત્તમ અધિક જેઠ માસ નિમિત્તે મંદિરમાં ઉજવવામાં આવનારા વિવિધ ધાર્મિક ઉત્સવોનો વિગતવાર અને રસપ્રદ કાર્યક્રમ જાહેર કરવામાં આવ્યો છે. આ પવિત્ર પુરૂષોત્તમ માસ આગામી તારીખ ૧૭ મે ૨૦૨૬ થી તારીખ ૧૫ જૂન ૨૦૨૬ દરમિયાન ભક્તિભાવપૂર્વક ઉજવાશે. આ અંગેની સત્તાવાર જાહેરાત મંદિરના વહીવટદાર અને નાયબ કલેકટર હિમાંશુ ચૌહાણ (જીએએસ) દ્વારા બહાર પાડવામાં આવી છે. તમામ વૈષ્ણવોને આ પવિત્ર ઉત્સવોના દર્શનનો દિવ્ય લાભ લેવા માટે વહીવટદાર કચેરી દ્વારા ખાસ વિનંતી કરવામાં આવી છે.
મે માસના વિવિધ ઉત્સવો અને દર્શનના સમયનું આયોજનઃઆ ભવ્ય આયોજન અંતર્ગત મંદિરમાં ઉજવાનારા વિવિધ ઉત્સવો અને દર્શનના સમયની વિગતો ખૂબ જ સુંદર રીતે આયોજિત કરવામાં આવી છેઃ હિંડોળા ઉત્સવ (તારીખ ૨૦ મે ૨૦૨૭, બુધવાર): હિંડોળા ઉત્સવ યોજાશે જેમાં સવાર અને સાંજના દર્શનનો સમય નિત્યક્રમ મુજબ રહેશે, જ્યારે વિશેષ ઉત્સવ દર્શન સાંજના સમયે યોજાશે. વસંત પંચમી ઉત્સવ (તારીખ ૨૧ મે ૨૦૨૭, ગુરૂવાર): વસંત પંચમી ઉત્સવ મનાવાશે જેમાં સવારના દર્શનનો ક્રમ નિત્યક્રમ મુજબ રહેશે. આ દિવસે વિશેષ ઉત્સવ દર્શન બપોરે ૦૧ વાગ્યાને ૩૦ મિનિટથી બપોરે ૦૨ વાગ્યાને ૩૦ મિનિટ સુધી ખુલ્લા રહેશે તેમજ બપોરે ૦૨ વાગ્યાને ૩૦ મિનિટે અનોસર એટલે કે મંદિર બંધ થશે અને ત્યારપછીનો સાંજનો ક્રમ નિત્યક્રમ મુજબ જ રહેશે. પુષ્પ શ્રળંગાર ઉત્સવ (તારીખ ૨૧ મે ૨૦૨૭, મંગળવાર): પુષ્પ શ્રળંગાર ઉત્સવ યોજાશે જેમાં સવાર અને સાંજના દર્શનનો સમય નિત્યક્રમ મુજબ જ જળવાઈ રહેશે તથા ઉત્સવ દર્શન સાંજના સમયે યોજાશે. રામ નવમી (તારીખ ૨૪ મે ૨૦૨૧, રવિવાર) અને વિજયા દશમી ઉત્સવ (તારીખ ૨૫ મે ૨૦૨૫, સોમવાર): આ બંને પવિત્ર દિવસોમાં સવારે ૧૦ વાગ્યાને ૧૫ મિનિટથી બપોરે ૧૨ વાગ્યા સુધી દર્શન બંધ રાખવામાં આવશે. બપોરે ૧૨ વાગ્યે ઉત્સવ આરતી કરવામાં આવશે અને બપોરે ૧૨ વાગ્યાથી બપોરે ૦૧ વાગ્યાને ૩૦ મિનિટ સુધી ભક્તો માટે ઉત્સવ દર્શન ખુલ્લા રહેશે. ત્યારબાદ બપોરે ૦૧ વાગ્યાને ૩૦ મિનિટે અનોસર થતાં મંદિર બંધ થશે અને સાંજનો ક્રમ નિયમિત નિત્યક્રમ મુજબ રહેશે. તુલસી વિવાહ ઉત્સવ (તારીખ ૨૭ મે ૨૦૨૫, બુધવાર):તુલસી વિવાહ ઉત્સવ ધામધૂમથી યોજાશે જેમાં પણ સવાર અને સાંજના દર્શનનો સમય નિત્યક્રમ મુજબ રહેશે તથા ઉત્સવ દર્શન સાંજે થશે. વામન દ્વાદશી ઉત્સવ (તારીખ ૨ મે ૨૦૨૫, ગુરૂવાર): વામન દ્વાદશી ઉત્સવ ઉજવાશે જેમાં સવારે ૧૦ વાગ્યાને ૧૫ મિનિટથી બપોરે ૧૨ વાગ્યા સુધી દર્શન બંધ રહેશે. બપોરે ૧૨ વાગ્યે ઉત્સવ આરતી કરવામાં આવશે અને બપોરે ૧૨ વાગ્યાથી બપોરે ૦૧ વાગ્યાને ૩૦ મિનિટ સુધી ભક્તો માટે ઉત્સવ દર્શન યોજાશે. બપોરે ૦૧ વાગ્યાને ૩૦ મિનિટે અનોસર થતાં મંદિર બંધ થશે તેમજ સાંજનો ક્રમ નિત્યક્રમ મુજબ રહેશે. દેવ દિવાળી પૂનમ ઉત્સવ (તારીખ ૩૧ મે ૨૦૨૫, રવિવાર): દેવ દિવાળી પૂનમ ઉત્સવ ઉજવવામાં આવશે જેમાં મંગલા આરતી વહેલી સવારે ૦૬ વાગ્યે ધામધૂમથી થશે. આ દિવસે સવાર તેમજ સાંજના દર્શનનો અન્ય ક્રમ નિત્યક્રમ મુજબ રહેશે તથા વિશેષ ઉત્સવ દર્શન સાંજે યોજાશે. જન્માષ્ટમી મહાઉત્સવ અને અન્નકુટ દર્શનની સમયાવલિઃ જન્માષ્ટમી મહાઉત્સવ (તારીખ ૦૮ જાન્યુઆરી ૨૦૨૧, સોમવાર): જન્માષ્ટમીનો મહાઉત્સવ ખૂબ જ ભવ્યતાથી ઉજવાશે જેમાં મંગલા આરતી સવારે ૦૬ વાગ્યાને ૩૦ મિનિટે થશે અને મંગલા દર્શન સવારે ૦૬ વાગ્યાને ૩૦ મિનિટથી સવારે ૦૮ વાગ્યા સુધી ખુલ્લા રહેશે. ત્યારબાદ સવારે ૦૮ વાગ્યાથી સવારે ૦૮ વાગ્યાને ૪૫ મિનિટ સુધી ખુલ્લા પડદે દિવ્ય અભિષેક દર્શન યોજાશે. સવારે ૦૮ વાગ્યાને ૪૫ મિનિટથી દર્શન બંધ રહેશે અને સવારે ૦૯ વાગ્યાને ૩૦ મિનિટથી શ્રળંગાર દર્શન શરૂ થશે. બપોરે ૦૧ વાગ્યે અનોસર થતાં મંદિર બંધ થશે અને સાંજે ૦૫ વાગ્યે ઉત્થાપન દર્શન ખોલવામાં આવશે. રાત્રે ૦૯ વાગ્યાથી રાત્રે ૧૨ વાગ્યા સુધી અનોસર થતાં મંદિર બંધ રહેશે ત્યારબાદ મધ્યરાત્રિએ રાત્રે ૧૨ વાગ્યાથી રાત્રે ૦૧ વાગ્યાને ૩૦ મિનિટ સુધી મુખ્ય કળષ્ણ જન્મોત્સવની ભવ્ય ઉજવણી કરવામાં આવશે. ગોવર્ધન પૂજા અને અન્નકુટ ઉત્સવ (તારીખ ૧૫ જાન્યુઆરી ૨૦૨૫, સોમવાર): ગોવર્ધન પૂજા અને અન્નકુટ ઉત્સવ મનાવવામાં આવશે જેમાં સવાર અને સાંજના દર્શનનો સમય નિત્યક્રમ મુજબ રહેશે. સવારે ૧૧ વાગ્યાને ૩૦ મિનિટે ગોવર્ધન પૂજા વિધિ થશે અને સાંજે ૦૫ વાગ્યાથી સાંજે ૦૭ વાગ્યા સુધી અન્નકુટ ઉત્સવના દર્શનનો લાભ મળશે તેમજ રાત્રે ૦૯ વાગ્યાને ૪૫ મિનિટે અનોસર થતાં મંદિર બંધ થશે. ભક્તો આ તમામ ઉત્સવોના દર્શનનો ડિજિટલ લાભ ઘરબેઠા સત્તાવાર સોશિયલ મીડિયાના માધ્યમથી મેળવી શકે તે માટે કચેરી દ્વારા આપવામાં આવેલ કયુઆર કોડ સ્કેન કરવાની વિશેષ વ્યવસ્થા પણ ઉપલબ્ધ કરાવાઈ છે. (તસવીર- દિપેશ સામાણી-દ્વારકા)
(1:14 PM IST)
છેલ્લા 8 દિવસમાં સૌથી લોકપ્રિય 
