(જયેશ ભટ્ટાસણા દ્વારા) ટંકારા, તા.૧૮: મોરબી જીલ્લાના ટંકારા તાલુકાના નેકનામથી દહીંસરડા (પડધરી) જતા રોડ પર આજે સવારે એક ગમખ્‍વાર અકસ્‍માત સર્જાયો હતો. ભારત ગેસ એજન્‍સી સામે ડમ્‍પરે હડફેટે લેતા બાઈક ચાલક વળદ્ધનું કમકમાટીભર્યું મોત નીપજ્‍યું છે.

ટંકારા પોલીસ મથકેથી મળતી ઙ્કાથમિક માહિતી મુજબ, આજે સવારે નેકનામથી દહીંસરડા જતા રોડ પર આવેલી ભારત ગેસ એજન્‍સી સામે આ અકસ્‍માત સર્જાયો હતો. બાઈક લઈને પસાર થઈ રહેલા ટંકારા તાલુકાના રોહીશાળા ગામના વાલજીભાઈ ડાયાભાઈ ભોરણીયા (ઉ.૬૭) ડમ્‍પર ચાલકે હડફેટે લીધા હતા.આ જીવલેણ અકસ્‍માતમાં ગંભીર ઈજાઓ પહોંચતા વાલજીભાઈનું મોત નીપજ્‍યું હતું.

ઘટનાની જાણ થતાં ટંકારા પોલીસ સ્‍ટાફ તુરંત દોડી ગયો હતો. પોલીસે પંચનામા સહિતના પ્રાથમિક કાગળો કરવાની કામગીરી પૂર્ણ કરી છે. મળતદેહ પરિવારજનોને અંતિમ વિધિ માટે સોંપી દેવામાં આવ્‍યો છે. આ મામલે હાલ ગુનો દાખલ કરવાની તજવીજ શરૂ કરાઇ છે.