(વિનોદ ગાલા દ્વારા ) ભુજ : કચ્છના માંડવીમાં ધનતેરસના દિવસે ભરબજારમાં ચકચાર મચાવતી હત્યાની ઘટના બની હતી. પ્રેમી સાથે મંદિરમાં પ્રેમલગ્ન કરનાર પત્ની પર તેના પતિએ છરી વડે જીવલેણ હુમલો કરી હત્યા નીપજાવી હતી. બજારમાં ખરીદી માટે લોકોની ભારે ભીડ વચ્ચે બનેલી આ ઘટનાથી નાસભાગ મચી ગઈ હતી. લોહીલુહાણ હાલતમાં પડેલી યુવતીને સ્થાનિક લોકોએ રેંકડીમાં હોસ્પિટલ પહોંચાડવામાં મદદ કરી હતી. ઘટનાની જાણ થતાં માંડવીના પીઆઈ સહિત પોલીસનો કાફલો તાત્કાલિક ઘટનાસ્થળે દોડી આવ્યો હતો. પોલીસે ઘટનાની તપાસ શરૂ કરી આરોપીને ઝડપી પાડવા માટે ચક્રો ગતિમાન કર્યાં છે. પ્રેમસંબંધની અદાવતમાં બનેલી આ ઘટનાથી સમગ્ર પંથકમાં ચકચાર મચી ગઈ છે.