(વિનુ જોશી દ્વારા) જુનાગઢ, તા.૨૬: કેશોદ તાલુકાના મઢડા (સોનલ ધામ) ગામે રહેતા મણીબેન ઉર્ફે મંજુબેન પીઠીયા તા. ૨૫ જૂનના રોજ સવારે ૮ વાગ્‍યાની આસપાસ તેના એકના એક ૨૧ વર્ષના દીકરા પાર્થ સાથે જીજે ૧૧ એઇ ૭૩૫૪ નંબરના બાઈક પર સવાર થઈને મેંદરડા તાલુકાના સમઢીયાળા ગામથી બરવાળા ગામ તરફ જઈ રહ્યા હતા. આ દરમિયાન બરવાળા ગામ નજીક બાઈક ચલાવી રહેલા પાર્થે અચાનક સ્‍ટેરીંગ પરથી કાબૂ ગુમાવી દીધો હતો.

વાહન પૂરઝડપે હોવાના કારણે બાઇક રોડની સાઇડમાં આવેલી ખુલ્લી ગટરમાં ખાબકી હતી.  આ અકસ્‍માતમાં પાર્થ અને તેની માતા બંને ગટરમાં પટકાયા હતા. ગંભીર રીતે પછડાવાને કારણે પાર્થને છાતી તેમજ દાઢીના ભાગે ગંભીર ઈજાઓ પહોંચી હતી, જેના કારણે તેનું ઘટનાસ્‍થળે જ કરુણ મોત નીપજ્‍યું હતું.

જ્‍યારે તેની માતા મણીબેનને નાક અને હોઠના ભાગે ઈજા પહોંચતી હતી. અકસ્‍માત બાદ લોકોએ માતા-પુત્રને હોસ્‍પિટલ ખસેડ્‍યા હતા. પરંતુ તબીબોએ પાર્થને મળત જાહેર કર્યો હતો. મેંદરડા પોલીસે આગળની તપાસ હાથ ધરી હતી