અકિલા કાર્યાલયની મુલાકાત દરમિયાન યુનિ. રોડ શ્વે.મુર્તિપૂજક જૈન સંઘના પ્રમુખ અનિષભાઇ વાઘર, ઉમેશભાઇ શેઠ, પ્રકાશભાઇ કોઠારી તથા મેહુલભાઇ શાહ નજરે પડે છે. (તસ્‍વીરઃ અભીજીત બગથરીયા) 

રાજકોટ : આસો સુદ સાતમથી શરૂ થનાર આયંબીલ ઓળીનો પ.પુ. સાધ્‍વીજી ભગવંત સિધ્‍ધાંત ધ્રુપા શ્રીજી મ.સા. આદિ ઠાણાની પવિત્ર નિશ્રામાં યુનિ. રોડ જૈન સંઘમાં શુભારંભ આવતીકાલથી થનાર છે.

આ આયંબીલ તપનું અનેરૂ-અદકેરૂ મહત્‍વ જૈન શાસનમાં વર્ણવેલ છે. આયંબીલ  તપ શ્રી પાળ રાજા-મયણાસુંદરીના કારણે આ તપનું શ્રેષ્‍ઠ મહત્‍વ છે. ખુબ જ વિધ્નો તથા કષ્‍ટો આ નવપદજીની ઓળીની આરાધના દ્વારા દુર થયેલ છે.

આ શાશ્વતી ઓળાનું મહત્‍વ ખુબ જ વધારે છે. શાશ્વની ઓળીની છેલ્લા દિવસે ગયેલ છે. પાલીતાણાથી ર૦ કરોડ મુનિઓ મોક્ષ માર્ગે ગયેલ છે. તેમ શાષા બતાવે છે. આ તપમાં ઘણા બધા દ્રવ્‍યોનો ત્‍યાગ બતાવેલ છે. જેમાં ઘી, તેલ, મસાલા, લીલોતરી સુકો મેવો, ફળ, વિગેરે રસેન્‍દ્રીયનો ભાગ બતાવેલ છે. આ લાભ કાલથી તા.૧૮ થી તા.ર૬ સુધી આ તપ અત્રે યુનિવર્સિટી રોડ જૈન સંઘમાં કરાવવામાં આવશે. જે કોઇ સકળ સંઘના ભાઇ-બહેનોને આ તપ કરવું હોય તે એક દિવસ પહેલા શ્રી સંઘની પેઢીમાં પોતાનું નામ લખાવી આપે તેવી વિનંતી તેમજ સમગ્ર રાજકોટમાંથી કોઇ પણ શ્રાવક-શ્રાવીકાઓને આયંબીલ કરવી હોય તો આગલે દિવસે નામ લખાવી શકે છે.