રાજકોટ: શહેરના માલવીયાનગર પોલીસ સ્ટેશન વિસ્તારમાં થયેલી સોનાના ચેઇનની ચોરીનો અણઉકેલાયેલ ગુનો ઉકેલીને ક્રાઇમ બ્રાન્ચે એક ચોંકાવનારો ખુલાસો કર્યો છે. મા-દીકરીની જોડીએ આ ચોરી કરી હતી. ક્રાઇમ બ્રાન્ચે ધરપકડ કરી તેમની પાસેથી રૂ. ૧.૯૦ લાખનો ચોરાઉ મુદ્દામાલ કબ્જે કર્યો છે.

 શહેર પોલીસ કમિશનર બ્રજેશકુમાર ઝા, અધિક પોલીસ કમિશનર ચૈતન્ય મંડલીક, નાયબ પોલીસ કમિશનર (ક્રાઇમ) જગદીશ બાંગરવા તથા મદદનીશ પોલીસ કમિશનર (ક્રાઇમ) બી.બી.બસીયા દ્વારા મિલકત સંબંધી ગુનાઓ અટકાવવા અને શહેર વિસ્તારમાં થયેલ વાહન ચોરી, ઘરફોડ ચોરી, લૂંટ વગેરે અન-ડિટેક્ટ ગુનાઓ શોધી કાઢવા માટે સૂચના આપવામાં આવી હતી. આ સૂચના અન્વયે ક્રાઇમ બ્રાન્ચના પોલીસ ઇન્સપેક્ટર એ.એસ.ચાવડા, એમ.એલ.ડામોર તથા સી.એચ.જાદવના માર્ગદર્શન હેઠળ ડી.સી.બી. પોલીસ સ્ટેશનના પોલીસ સબ ઇન્સપેક્ટર એસ.એમ.રાણાની ટીમ રાજકોટ શહેર વિસ્તારમાં પેટ્રોલીંગમાં હતી.

​તે દરમિયાન એ.એસ.આઇ. વિજયરાજસિંહ જાડેજા, સંજયભાઈ દાફડા, પોલીસ કોન્સ્ટેબલ સંજયભાઈ ખાખરીયા તથા ધર્મેશભાઈ ખાંડેખાને મળેલ સંયુક્ત ચોક્કસ હકીકત આધારે ચોરીના એક સોનાના ચેન સાથે બે મહિલા આરોપીઓને પકડી પાડવામાં આવી હતી. આ કાર્યવાહીથી રાજકોટ શહેરના માલવીયાનગર પોલીસ સ્ટેશન ખાતે રજીસ્ટર થયેલ ચોરીનો અનડિટેક્ટ ગુનો ડિટેક્ટ કરી કાયદેસરની કાર્યવાહી કરવામાં આવી છે.

​પોલીસે પકડી પાડેલી મહિલા આરોપીઓમાં નિકિતાબેન અલ્પેશભાઈ સાવલીયા (બચુભાઈ સોલંકીની પુત્રી, ઉં.વ. ૪૨, રહે. લક્ષ્મીવાડી મેઈન રોડ, પાયલ કોમ્પ્લેક્ષની પાછળ, ગોવિંદપરા શેરી નંબર-૦૧, રાજકોટ) અને તેની પુત્રી વૈશાલીબેન અલ્પેશભાઈ સાવલીયા, ઉં.વ. ૨૩, રહે. લક્ષ્મીવાડી મેઈન રોડ, પાયલ કોમ્પ્લેક્ષની પાછળ, ગોવિંદપરા શેરી નંબર-૦૧, રાજકોટ)નો સમાવેશ થાય છે. પોલીસે આરોપીઓ પાસેથી ૧૬.૯૩૦ ગ્રામ વજન ધરાવતો સોનાનો ચેન  રૂ. ૧,૫૦,૦૦૦નો અને એક એક્ટિવા GJ-03-QG-1774, કિંમત રૂ. ૪૦,૦૦૦ મળી કુલ રૂ. ૧,૯૦,૦૦૦નો મુદ્દામાલ કબ્જે કર્યો છે.

​પોલીસ તપાસમાં બહાર આવ્યું છે કે પકડાયેલ આરોપી નિકિતાબેન અગાઉ રાજકોટ શહેર ગાંધીગ્રામ, લોધિકા, માલવીયાનગર, ઉના, ભક્તિનગર, બી ડીવિઝન, ડીસીબી, સુરત શહેર ખટોદરા, બોટાદ, ભાવનગર નીલમબાગ અને અમરેલીના રાજુલા પોલીસ સ્ટેશનમાં ચોરી, પ્રોહિબિશન અને જુગાર ધારા હેઠળના ૧૩ જેટલા ગુનાઓમાં જોડાઈ ચૂકેલી ગુનાહિત ઈતિહાસ ધરાવે છે. જ્યારે બીજી આરોપી વૈશાલીબેન પણ અગાઉ ગીર સોમનાથના ઉના અને સુરતના ખટોદરા પોલીસ સ્ટેશનમાં ચોરીના ગુનાઓમાં પકડાઈ ચૂકેલી છે.

​આ સફળ અને સરાહનીય કામગીરી રાજકોટ શહેર ક્રાઇમ બ્રાન્ચના પોલીસ ઇન્સપેક્ટર એ.એસ.ચાવડા, એમ.એલ.ડામોર, સી.એચ.જાદવ, પોલીસ સબ ઇન્સપેક્ટર એસ.એમ.રાણા, એ.એસ.આઇ. સંજયભાઈ દાફડા, વિજયરાજસિંહ જાડેજા, પોલીસ હેડ કોન્સ્ટેબલ તુલસીભાઈ ચુડાસમા, લાલજીભાઈ હાડગા, સુભાષભાઈ ઘોધારી, ધર્મેન્દ્રભાઈ કુંચાલા, પોલીસ કોન્સ્ટેબલ સંજયભાઈ ખાબરીયા, ધર્મેશભાઈ ખાંડેબા તથા મહિલા પોલીસ કોન્સ્ટેબલ શિલ્પાબેન વિરડા અને ત્રિપદાબેન ભટ્ટ દ્વારા કરવામાં આવી હતી.