રાજકોટ તા. ૧૧: રેલનગર અન્‍ડર બ્રીજ પાસે ટ્રેનની ઠોકરે આવી જતાં ભોમેશ્વરના પ્રોૈઢના બંને પગ કપાઇ જતાં ગંભીર હાલતમાં સારવાર માટે દાખલ કરવામાં આવ્‍યા છે.

જાણવા મળ્‍યા મુજબ ભોમેશ્વરમાં ભૂતનાથ મંદિર પાસે રહેતાં રાજેશભાઇ ગુણવંતભાઇ ચારોલા (ઉ.વ.૫૦) સવારે એક્‍ટીવા લઇને મંડપ સર્વિસમાં કામે જવા નીકળ્‍યા બાદ રેલનગર અન્‍ડર બ્રીજ પાસે ટ્રેનની ઠોકરે આવી જતાં બંને પગ કપાઇ જતાં લોકોના ટોળા ભેગા થઇ ગયા હતાં. પોલીસને અને ૧૦૮ન ેજાણ થતાં તુરત પહોંચી રાજેશભાઇને સારવાર માટે સિવિલ હોસ્‍પિટલમાં ખસેડયા હતાં. રાજેશભાઇ ત્રણ ભાઇ અને એક બહેનમાં મોટા છે અને સંતાનમાં એક દિકરી તથા બે દિકરા છે. હોસ્‍પિટલ ચોકીના સ્‍ટાફે જાણ કરતાં રેલ્‍વે પોલીસે કાર્યવાહી કરી હતી