ઇન્ડસ્ટ્રીઝ એરીયામાં કુવાડવા પોલીસનો દરોડોઃ જૂગાર રમતાં ૪ શખ્સ પકડાયા
ભાવેશભાઇ મકવાણાની બાતમીથી પીઆઇ વસાવા અને ટીમની કાર્યવાહીઃ ૧૫ હજારની રોકડ કબ્જે
રાજકોટ તા. ૧૮: રાજકોટ અમદાવાદ હાઇવે પર કુવાડવા નજીક શાંતિ ઇન્ડસ્ટ્રીઝ એરીયામાં પટમાં બેસી જૂગાર રમતાં ૪ શખ્સોને પકડી લેવાયા હતાં.
કુવાડવા પોલીસની ટીમ પેટ્રોલીંગમાં હતી ત્યારે કોન્સ. ભાવેશભાઇ મકવાણાને મળેલી બાતમી પરથી દરોડો પાડી રોહિત સવજીભાઈ કુંડારીયા (ઉ.વ. ૩૭, રહે. હરીધવા રોડ ન્યુ સુભાષ શેરી-૧), સંદિપ ખીમજીભાઈ ધલવાણીયા (ઉ.વ. ૪૦, રહે. સોમનાથ સોસાયટી, આજીડેમ ચોકડી), ભુપત જીલુભાઈ બાંભવા (ઉ.વ. ૪૮, રહે. આનંદનગર કોલોની બી-૮૭૨) અને ગોપાલ છેલાભાઈ બાંભવા (ઉ.વ. ૩૭, રહે. ગ્રીનલેન્ડ ચોકડી, શીવનગર-૧)ને પકડી લઇ રૂા. ૧૫૫૮૦ની રોકડ અને ગંજીપાના કબ્જે કર્યા હતા. પીઆઇ વી. આર. વસાવાની રાહબરીમાં આ દરોડામાં એએસઆઇ કે. વી. જાડેજા, જયદિપભાઇ ધોળકીયા, કુશલભાઇ જોષી પણ જોડાયા હતા.
(3:45 PM IST)
