તા. ૧ નવેમ્બરે ર૦ર૫ વિક્રમ સંવત ર૦૮૨ કારતક સુદ – ૧૦ શનિવાર
રૂડા દ્વારા કણકોટ વિસ્તારમાં પાણી પ્રશ્ન નિવારવા નવી લાઇનના કામનો પ્રારંભ
રૂડા દ્વારા કણકોટ સોસાયટી વિસ્તારમાં પાણી સમસ્યા હલ કરવા નવી પાઇપ લાઇન બીછાવવાના કામનો પ્રારંભ થયેલ તે પ્રસંગની તસ્વીર
રાજકોટઃ જિલ્લા પંચાયત સાથે સંકળાયેલા ભાજપના અગ્રણી રાજાભાઈ ચાવડા અને રાજકોટ તાલુકા પંચાયત સભ્ય પ્રતિનિધિ વિક્રમભાઈ હુંબલ દ્વારા રાજકોટ શહેરી વિકાસ સત્તામંડળ ના અધિકારીને રજૂઆત કરતાં કણકોટ વિસ્તારમાં પાણીની સુવિધા માટે રૂડાએ મહત્વનો નિર્ણય કરતા પોઈન્ટથી ૩૯૯૫ મીટરની નવી લાઈન નંખાશે રૂડા દ્વારા હદ વિસ્તારમાં આવતા કણકોટ સોસાયટી એરીયામાં પ્રાથમિક સુવિધાઓ વધારવાની દિશામાં વધુ એક મહત્વનું પગલું ભરવામાં આવ્યું છે. આ વિસ્તારના રહીશોને પીવાના પાણીની સમસ્યામાંથી મુક્તિ અપાવવા માટે રૂડા દ્વારા નવી વોટર સપ્લાય લાઈન પ્રોજેક્ટ હાથ ધરવામાં આવ્યો છે. પાણીનોસ્ત્રોતઃ આ નવી લાઈનનું જોડાણ ગુજરાત પાણી પુરવઠા બોર્ડ ના ટેપીંગ પોઈન્ટ સાથે કરવામાં આવશે, જેથી પૂરતા ફોર્સથી પાણી ઉપલબ્ધ થઈ શકે.
આ ખાત મુર્હત પ્રસંગે રાજકોટ રાજાભાઈ ચાવડા અને રાજકોટ તાલુકા પંચાયત સભ્ય પ્રતિનિધિ વિક્રમભાઈ હુંબલ, હસુભાઈ વાદ્યેલા, કિરીટભાઈ ચાંડપા, ઉકાભાઈ ચૌહાણ, ભરતભાઈ વરણ, હરીભાઈ રાઠોડ, કિશોરભાઈ સોલંકી, બાબુભાઇ બોખાણી, જીતુભાઈ દાફડા, જેંતિભાઇ ચૌહાણ, ગાંડુંભાઈ સુવારીયા, આસુરામ મારવાડી, હરિભાઇ ગમારા, હસુભાઈ વેકરીયા તથા આજુ બાજુ વિસ્તારના રહેવાશીઓ ઉપસ્થિત રહ્યા હતા.
(4:07 PM IST)
