રાજકોટઃ નવલા નોરતામાં શહેરભરની  ગરબીઓમાં પ્રાચીન રાસની જમાવટ થઈ રહી છે. ગરબીઓમાં બાળાઓના ગરબા નિહાળવા મોટી સંખ્‍યામાં ભાઈ-બહેનો ઉમટી પડતા જોવા મળે છે. ત્‍યારે શહેરની મધ્‍યે કોટક સ્‍કૂલ પાસે ૧-કોલેજવાડી ખાતે ૫૯ વર્ષથી શ્રી નવદુર્ગા ગરબી મંડળ દ્વારા પ્રાચીન ગરબીનું આયોજન કરવામાં આવે છે.  ગરબીની ૩૦ બાળાઓ દ્વારા ગાયક મહેશ જોશી અને ઢોલકમાં ધર્મેન્‍દ્ર ચૌહાણના સંગાથે રાસ ઉપરસવામાં આવે છે. ગરબીનું સંચાલન મહેશ જોષી અને ધારા દવે દ્વારા કરવામાં આવે છે. તસ્‍વીરમાં રાસે રમતી બાળાઓ નજરે પડે છે. (તસ્‍વીરઃ અભિજીત બગથરીયા)