તા. ૧૦ સપ્ટેમ્બર ર૦ર૬ વિક્રમ સંવત ર૦૮૨ શ્રાવણ વદ – ૧૪ ગુરૂવાર
સ્વસ્થ વ્યકિત નિર્ભિકપણે રકતદાન કરેઃ કલેકટર
આજે વિશ્વ રકતદાતા દિવસઃ સીટી પ્રાંત-૧ કચેરી ખાતે રકતદાન કેમ્પ યોજાયો
રાજકોટ તા. ૧૪:બીમાર અને જરૂરિયાતમંદ વ્યક્તિને જરૂરી લોહી માત્ર માનવ શરીરમાં જ બને છે. આ અમૂલ્ય લોહીનું દાન કરી આપણે અનેક લોકોની જિંદગી બચાવી શકીએ છીએ. આજરોજ ‘વિશ્વ રક્તદાતા દિવસ' નિમિત્તે પ્રાંત કચેરી ખાતે રાજકોટ સિવિલ હોસ્પિટલ બ્લડ બેન્કના સૌજન્યથી યોજાયેલા રક્તદાન કેમ્પમાં કલેકટરશ્રી પ્રભવ જોશીએ પ્રેરણા પુરી પાડતા જણાવ્યું હતુ કે, સ્વસ્થ વ્યક્તિએ નિર્ભિકપણે રક્તદાન કરી અમૂલ્ય જીવ બચાવવામાં મદદ કરવી જોઈએ. સિવિલ હોસ્પિટલ ખાતે થેલેસેમિયા ઉપરાંત અનેક દર્દીઓને રોજબરોજ મોટાપાયે રક્તની જરૂર રહેતી હોઈ વધુને વધુ લોકોએ નિર્ભીકપણે રક્તદાન કરવું જોઈએ તેમ કલેકટરશ્રીએ આગ્રહપૂર્વક જણાવ્યું હતું.
બ્લડ ડોનેશન કેમ્પમાં પ્રાંત કચેરીના કર્મયોગીઓએ ઉત્સાહભેર ભાગ લીધો હતો. કેમ્પનું આયોજન સવારે ૯ વાગ્યાથી બપોરે ૨ વાગ્યા સુધી કરાયું હતું. રકતદાતાઓ માટે ચા, લીંબુ સરબત, બિસ્કીટ સહિતની નાસ્તાની વ્યવસ્થાઓ કરવામાં આવી હતી. આ કેમ્પમાં પ્રાંત અધિકારી ચાંદની પરમાર, શીરસ્તેદાર ભાલોડી, નાયબ મામલતદાર વસીમ રિઝવી, નાયબ મામલતદારશ્રી નિમીષાબેન યાજ્ઞિક સહીત પ્રાંત કચેરીનો તમામ સ્ટાફ ઉપસ્થિત રહ્યા હતા.
(2:39 PM IST)
