અમેરિકા દ્વારા તુર્કીને એફ-૩૫ વિમાન આપવાના અહેવાલોથી ઇઝરાયેલ ચિંતિત છે. બેન્જામિન નેતન્યાહુએ એર્દોગાનના નિવેદનો અંગે અમેરિકા સાથે વાત કરવાની જાહેરાત કરી છે.

અમેરિકા દ્વારા તુર્કીને એફ-૩૫ લડાકુ વિમાનો અને અત્યાધુનિક જેટ એન્જિન પૂરા પાડવાની વિચારણા ચાલી રહી હોવાના અહેવાલો સામે આવ્યા છે. આ મુદ્દે ઇઝરાયેલના વડાપ્રધાન બેન્જામિન નેતન્યાહુએ તીવ્ર પ્રતિક્રિયા આપી છે. તેમણે સ્પષ્ટ કર્યું છે કે ઇઝરાયેલ તુર્કીના રાષ્ટ્રપતિ રજબ તૈયબ એર્દોગાન દ્વારા ઇઝરાયેલ વિરુદ્ધ કરવામાં આવતી વારંવારની નિવેદનબાજી અને ધમકીઓને ખૂબ જ ગંભીરતાથી લે છે. 

નેતન્યાહુએ જણાવ્યું હતું કે તેઓ આ સમગ્ર મામલો અમેરિકા સમક્ષ ઉઠાવશે. તેમણે વધુમાં ઉમેર્યું હતું કે જ્યારે કોઈ વ્યક્તિ એમ કહે કે તે તમને નષ્ટ કરવા માંગે છે, ત્યારે તેમની વાત પર હંમેશા વિશ્વાસ કરવો જોઈએ.