માલદા,તા.૨૮: પશ્ચિમ બંગાળના માલદા (પાંડુઆ) સ્‍થિત લગભગ ૬૫૦ વર્ષ જૂની અદિના મસ્‍જિદને ‘આદિનાથ શિવ મંદિર' હોવાનું કહેવામાં આવતાં વિસ્‍તારમાં તણાવપૂર્ણ સ્‍થિતિ સર્જાઈ છે. રાજ્‍યસભાના સભ્‍ય અને ભાજપના પﾍમિ બંગાળ પ્રદેશ અધ્‍યક્ષ શમિક ભટ્ટાચાર્યે સંસદમાં આ મુદ્દો ઉઠાવ્‍યા બાદ હિદુ સંગઠનોએ મંદિર પરત આપવાની માગ વધુ તેજ કરી છે. આ માગને લઈને તણાવમાં વધારો થયો છે. ‘હિદુ સુરક્ષા સમિતિ' નામના સંગઠને શ્રાવણના સોમવારે વિવાદિત મસ્‍જિદથી થોડે અંતરે ભગવાન શિવના રુદ્રાભિષેક અને વિશેષ પૂજાનું આહવાન કર્યું છે. ત્‍યારથી સમગ્ર વિસ્‍તારમાં સંવેદનશીલતા વધી ગઈ છે.

તાજેતરમાં પﾍમિ બંગાળમાંથી રાજ્‍યસભાના સભ્‍ય અને ભાજપના પ્રદેશ અધ્‍યક્ષ શમિક ભટ્ટાચાર્યે રાજ્‍યસભામાં આ મુદ્દો ઉઠાવ્‍યો હતો. ત્‍યાર બાદ હિદુ સંગઠનોએ મંદિર પરત મેળવવાની માગ વધુ જોરશોરથી શરૂ કરી છે.

હિદુ સુરક્ષા સમિતિ નામના સંગઠને આજે મસ્‍જિદની બહાર શિવપૂજાનું આહવાન કર્યું છે. કાયદો અને વ્‍યવસ્‍થા જાળવવા માટે સમગ્ર વિસ્‍તારમાં પોલીસ પેટ્રોલિગ કરી રહી છે. માલદા જિલ્‍લાના એસપી અનુપમ સિહે જણાવ્‍યું હતું કે સુરક્ષાનો પૂરતા બંદોબસ્‍ત કરવામાં આવ્‍યો છે. ૩૦૦ પોલીસ કર્મચારીઓ તહેનાત કરવામાં આવ્‍યા છે. કેન્‍દ્રીય દળોની પણ નિમણૂક કરવામાં આવી છે. ડ્રોન દ્વારા સતત નજર રાખવામાં આવી રહી છે. આ સમગ્ર વિવાદ હાલમાં કલકત્તા હાઈકોર્ટ સમક્ષ વિચારાધીન છે. મામલાની સંવેદનશીલતાને ધ્‍યાનમાં રાખીને અદાલતે હાલ માટે યથાસ્‍થિતિ (Status Quo) જાળવવાનો આદેશ આપ્‍યો છે.

હિદુ સંગઠનોનું માનવું છે કે બંગાળ સલ્‍તનતના સમયમાં ૧૩૬૪ થી ૧૩૭૪ ઈસવી દરમિયાન નિર્મિત આ મસ્‍જિદ બંગાળમાં ટેરાકોટા શૈલીની સજાવટ ધરાવતી પ્રથમ ઇસ્‍લામિક રચના માનવામાં આવે છે. મુખ્‍યત્‍વે સળગાવેલી માટીની ઈંટો તથા ચૂનો અને ઈંટની ધૂળ મિશ્રિત મોર્ટારથી તેનું નિર્માણ કરવામાં આવ્‍યું છે. મસ્‍જિદમાં મધ્‍ય એશિયાઈ સ્‍થાપત્‍ય શૈલી અને સ્‍થાનિક કલાત્‍મક પરંપરાઓનું સંયોજન જોવા મળે છે.

તેની સજાવટમાં ગુલાબની પાંખડીઓ, જ્‍યોમેટ્રિક ડિઝાઇન, લટકતા દીવાઓ અને વાંસળી જેવા આકારોનો સમાવેશ થાય છે. ઉપરાંત પાલ-સેના કાળના સ્‍થાપત્‍ય તત્‍વો જેમ કે ચૈત્‍ય બારીઓ, સાંકળોની હરોળ, મંદિરની ઘંટાકાર ડિઝાઇન અને કમળની પાંખડીઓ જેવા નમૂનાઓ પણ જોવા મળે છે. કેટલાક હિદુ સંગઠનોનો દાવો છે કે ત્‍યાં ગણેશજીની મૂર્તિ અને શિવલિગ પણ હાજર છે.

અદિના મસ્‍જિદ ભારતીય પુરાતત્‍વ સર્વેક્ષણ (ASI) દ્વારા સંરક્ષિત સ્‍મારક છે. ૧૯૯૧ના ‘Places of Worship Act' મુજબ કોઈ પણ ધાર્મિક સ્‍થળના ધાર્મિક સ્‍વરૂપ (કેરેક્‍ટર)માં ફેરફાર કરી શકાતો નથી