(મુકુંદ બદિયાણી દ્વારા): જામનગર તા.૧ : જિયોએ ભારતને જોડવાના દસ વર્ષ પૂર્ણ થવાની ઉજવણી નિમિત્તે જિયોભારત ફોન પર ખાસ વર્ષગાંઠ ઓફર જાહેર કરી છે. તહેવારોની સિઝનમાં ગ્રાહકોને રૂ. ૧,૪૯૯માં ફોરજી ફોન સાથે છ મહિના સુધી રિચાર્જ લાભ મળશે. કંપનીના જણાવ્યા મુજબ, હાલના ટુજી ફીચર ફોન વપરાશકર્તાઓ માટે ફોરજી ડિજિટલ જીવન તરફ આગળ વધવાનો અસરકારક અપગ્રેડ ખર્ચ માત્ર રૂ. ૨૯૯ જેટલો રહેશે.

જિયોએ પોતાની દસમી વર્ષગાંઠ નિમિત્તે જિયોભારત ફોન માટે ખાસ ‘જિયો એનિવર્સરી ઓફર’ રજૂ કરી છે. આ ઓફરનો હેતુ લાખો ફીચર ફોન વપરાશકર્તાઓને સસ્તી અને સરળ રીતે ફોરજી ડિજિટલ સેવાઓ સાથે જોડવાનો છે. તહેવારોની સિઝનને ધ્યાનમાં રાખીને મર્યાદિત સમય માટે આ ઓફર ઉપલબ્ધ કરાવવામાં આવી છે.

આ ઓફર હેઠળ પાત્ર જિયોભારત ફોરજી ફોન રૂ. ૧,૪૯૯માં મળશે. સાથે ગ્રાહકોને છ મહિના સુધી રિચાર્જના લાભો વિનામૂલ્યે મળશે, જેમાં દર મહિને ૧૪ જીબી ડેટા અને અનલિમિટેડ એચડી વૉઇસ કૉલિંગનો સમાવેશ થાય છે. આ તમામ લાભો કંપનીની લાગુ શરતો અને નિયમોને આધીન રહેશે.

કંપનીના જણાવ્યા મુજબ, ઘણા ટુજી વપરાશકર્તાઓને કનેક્ટિવિટી માટે દર મહિને અંદાજે રૂ. ૧૯૯ જેટલો ખર્ચ કરવો પડે છે. એટલે છ મહિનામાં માત્ર કનેક્ટિવિટી પાછળ લગભગ રૂ. ૧,૨૦૦નો ખર્ચ થાય છે. આ ગણતરી પ્રમાણે રૂ. ૧,૪૯૯ની ઓફરમાં છ મહિનાના કનેક્ટિવિટી લાભ બાદ ફોરજી ફોનમાં અપગ્રેડ કરવાનો અસરકારક ખર્ચ માત્ર રૂ. ૨૯૯ જેટલો રહે છે.

જિયોભારત ફોન માત્ર કૉલિંગ અને મેસેજિંગ પૂરતો મર્યાદિત નથી, પરંતુ તેમાં જિયોટીવી, જિયોહોટસ્ટાર, જિયોપે દ્વારા યુપીઆઇ પેમેન્ટ, પેમેન્ટ એલર્ટ, સલામતી સુવિધા, પરિવાર સાથે જોડાયેલા રહેવા માટે લોકેશન મોનિટરિંગ જેવી ડિજિટલ સેવાઓનો સમાવેશ થાય છે. ફોનમાં ૨.૪ ઇંચની ડિસ્પ્લે, ૨૦૦૦ એમએએચ બેટરી અને ફોરજી કનેક્ટિવિટી જેવી સુવિધાઓ આપવામાં આવી છે.