નવી દિલ્‍હી તા.૩: ફલાયદુબઈ ફલાઇટ ૧૦૭૩ ના ક્રેશના પ્રયાસના કેસમાં એક નવો દાવો સામે આવ્‍યો છે. ઇઝરાયલી મીડિયા અનુસાર, કો-પાયલટે તપાસકર્તાઓને જણાવ્‍યું છે કે તેનો ઇઝરાયલમાં પ્‍લેન ક્રેશ કરવાનો ઇરાદો હતો. અગાઉ, કો-પાયલોટની ઓળખ ઓમાની નાગરિક હમામ અલ-હમામી તરીકે થઈ છે.યુએઈથી ઇઝરાયલ જતી ફલાયદુબઈની ફલાઇટના કોકપીટમાં ભારતીય કેપ્‍ટન પર હુમલો કરનાર અને વિમાનને તોડી પાડવાનો પ્રયાસ કરનાર સહ-પાયલટની ઓળખ જાહેર કરવામાં આવી છે. સાઉદી અખબાર અલ અરેબિયાએ સૂત્રોને ટાંકીને અહેવાલ આપ્‍યો છે કે સહ-પાયલટની ઓળખ ઓમાનના હમામ અલ્‍હમામી તરીકે થઈ છે. અહેવાલમાં એમ પણ કહેવામાં આવ્‍યું છે કે અલ્‍હમામીને તેના ઉગ્રવાદી વિચારોને કારણે ઓમાનમાં ઉડાન ભરવાની મનાઈ ફરમાવી દેવામાં આવી હતી.

સાઉદી અરેબિયાની સમાચાર એજન્‍સી, અલ અરેબિયા ઇંગ્‍લિશ અનુસાર, તે લાંબા સમયથી સીરિયામાં રહેતો હતો, જ્‍યાં તે કટ્ટરપંથી વિચારોથી પ્રભાવિત હોવાનું કહેવાય છે.

ઇઝરાયલની ચેનલ ૧૨ ના અહેવાલ મુજબ, તપાસકર્તાઓને અલ-કાયદાની વિચારધારા પર તેના પ્રભાવના પુરાવા મળ્‍યા છે. i24 ન્‍યૂઝે સૂત્રોને ટાંકીને દાવો કર્યો છે કે પૂછપરછ દરમિયાન, અલ-હમામીએ જણાવ્‍યું હતું કે તે ઇઝરાયલમાં વિમાન ક્રેશ કરવા માંગતો હતો.

હુમલા પહેલા પણ તેના વર્તન અંગે પ્રશ્નો ઉભા થયા હતા. CNN અનુસાર, તેને ૨૦૨૪માં ઓમાનની રાષ્ટ્રીય એરલાઇનમાં પાઇલટ તાલીમમાંથી દૂર કરવામાં આવ્‍યો હતો. ત્‍યારબાદ તેને એરલાઇનમાં એક અલગ ભૂમિકા આપવામાં આવી હતી. તે લગભગ આઠ મહિના પહેલા ફલાયદુબઈમાં જોડાયો હતો. ૩૦ સપ્‍ટેમ્‍બરના રોજ, તેણે ફલાઇટના કોકપીટમાં કેપ્‍ટન મોસ્‍કિટો પર છરી વડે હુમલો કર્યો હતો.

અલ અરેબિયાના અહેવાલ મુજબ, અલ્‍હમામી સીરિયામાં રહેતો હતો, જ્‍યાં તે ઉગ્રવાદી વિચારોના સંપર્કમાં આવ્‍યો હતો. આ વિચારોને કારણે, ઓમાની અધિકારીઓએ તેના ઉડાન ભરવા પર પ્રતિબંધ મૂક્‍યો હતો, ત્‍યારબાદ તે ઓમાન છોડી ગયો હતો.

તેના પર ફલાઇટ કેપ્‍ટનને છરી મારીને ઝડપથી વિમાનને જમીન તરફ ધકેલી દેવાનો આરોપ છે. મુસાફરો અને ક્રૂ સભ્‍યોએ કો-પાયલોટને કાબુમાં લીધો, જ્‍યારે ફલાઇટના રિઝર્વ પાઇલોટ્‍સ પ્‍લેનને કાબુમાં લેવામાં અને તેને સાઉદી અરેબિયામાં સુરક્ષિત રીતે ઉતરાણ કરવામાં સફળ રહ્યા.

આરોપી સહ-પાયલટ વિશે વધુ માહિતી બહાર આવી છે. એવું બહાર આવ્‍યું છે કે આરોપી સહ-પાયલટ પર પહેલાથી જ કટ્ટરપંથી વિચારધારા હોવાનો શંકા હતી. ઓમાને અગાઉ તેને ઉડાન ભરવા પર પ્રતિબંધ મૂક્‍યો હતો. પ્રતિબંધ હોવા છતાં, સહ-પાયલટને ફલાયદુબઈ દ્વારા ભાડે રાખવામાં આવ્‍યો હતો અને તેણે સંયુક્‍ત આરબ અમીરાત (UAE) અને ઇઝરાયલને જોડતા સંવેદનશીલ રૂટ પર ઉડાન ભરવાનું શરૂ કર્યું હતું.

ઓમાનની એક એરલાઈન દ્વારા તેમને નોકરીમાંથી કાઢી મૂકવામાં આવ્‍યા હતા. સૂત્રોને ટાંકીને અહેવાલમાં જણાવાયું છે કે હમામ અલ્‍હમારી મોટાભાગે ઓમાનની બહાર રહેતા હતા. યુએઈ આવતા પહેલા, તેમણે સીરિયામાં ઘણો સમય વિતાવ્‍યો હતો, જ્‍યાં તેઓ ઉગ્રવાદી વિચારોથી પ્રભાવિત હતા. અમેરિકન ન્‍યૂઝ આઉટલેટ સીએનએનએ અહેવાલ આપ્‍યો છે કે ફલાયદુબઈના એક ઓમાનીના સહ-પાયલટને ગયા વર્ષે ઓમાનની રાષ્ટ્રીય એરલાઈનમાંથી તેમની નોકરીમાંથી કાઢી મૂકવામાં આવ્‍યા હતા.

એક પ્રાદેશિક રાજદ્વારી સૂત્રએ સીએનએનને જણાવ્‍યું હતું કે શંકાસ્‍પદ વ્‍યક્‍તિને શંકાસ્‍પદ ઉગ્રવાદી વિચારોને કારણે તાલીમમાંથી દૂર કરવામાં આવ્‍યો હતો, પરંતુ બાદમાં તેમને એરલાઈનમાં બીજી ભૂમિકા આપવામાં આવી હતી. અન્‍ય એક સૂત્રએ સીએનએનને જણાવ્‍યું હતું કે અલ્‍હમારીના પિતા ઓમાન અને તેની માતા સીરિયન હતી, પરંતુ તેમનો જન્‍મ સંયુક્‍ત આરબ અમીરાતમાં થયો હતો અને તેમણે તેમના જીવનના ઘણા વર્ષો યુએઈમાં વિતાવ્‍યા હતા.

જોકે, તે સ્‍પષ્ટ નથી કે ઓમાને સહ-પાયલટ વિશેની પોતાની ચિતાઓ અન્‍ય દેશો અથવા એરલાઇન્‍સ સાથે શેર કરી હતી કે નહીં. તેના કથિત કટ્ટરપંથીવાદનું સ્‍વરૂપ પણ જાહેર કરવામાં આવ્‍યું નથી.

ગુરુવારે, સહ-પાયલટને સંયુક્‍ત આરબ અમીરાત (UAE) મોકલવામાં આવ્‍યો હતો.સ્ત્રેત અનુસાર, ઇઝરાયલી અધિકારીઓ ત્‍યાં તેની પૂછપરછ કરે તેવી અપેક્ષા છે. જો કે,સ્ત્રોતે સ્‍પષ્ટ કર્યું નથી કે કઈ ઇઝરાયલી એજન્‍સી અથવા સત્તા સામેલ હશે. આ વિશે પૂછવામાં આવતા, ઇઝરાયલી સરકારી અધિકારીએ જણાવ્‍યું હતું કે UAE ના નેતૃત્‍વ હેઠળ ચાલી રહેલી તપાસમાં ઇઝરાયલી તપાસકર્તાઓ અમીરાતી અધિકારીઓ સાથે ભાગ લેશે. તપાસમાં વિમાનમાં ખરેખર શું બન્‍યું તે નક્કી કરવાનો પ્રયાસ કરવામાં આવશે, તેમજ શંકાસ્‍પદના હેતુ અને પૃષ્ઠભૂમિની તપાસ કરવામાં આવશે.

યુએઈના વિદેશ મંત્રાલયે ઇઝરાયલી અધિકારીઓને કો-પાયલોટની પૂછપરછ કરવાની મંજૂરી આપવામાં આવશે કે કેમ તે અંગેના પ્રશ્નોનો તાત્‍કાલિક જવાબ આપ્‍યો ન હતો.

આ ઘટના પર પહેલીવાર જાહેરમાં પ્રતિક્રિયા આપતા, ફલાયદુબઈના ચીફ એક્‍ઝિક્‍યુટિવ ગૈથ અલ ગૈથે શુક્રવારે કહ્યું કે અધિકારીઓ સત્તાવાર તપાસ કરી રહ્યા છે અને એરલાઇન સહયોગ કરી રહી છે. તેમણે કોકપીટ ઘટનાને ૅસુરક્ષા ઘટના ગણાવી. તેમણે કહ્યું કે ઘટનાની આસપાસ ઘણા પ્રશ્નો છે અને તપાસ પ્રક્રિયાને તથ્‍યો નક્કી કરવાની તક આપવી જોઈએ.