ઇતિહાસમાં પહેલી વાર મિસ ઇંગ્લેન્ડની સ્પર્ધામાં થઈ ટાઇ બે યુવતીઓને જાહેર કરાઈ મિસ
મિસ ઇંગ્લેન્ડ સ્પર્ધામાં ૯૮ વર્ષના ઇતિહાસમાં પહેલી વાર એક મોટો ઉલટફેર જોવા મળ્યો : બે સુંદરીઓને જજિઝ તરફથી એકસરખા માર્ક્સ મળેલા હોવાથી બન્નેને વિજેતા ઘોષિત કરવામાં આવી હતી
લંડન,તા.૧૮: મિસ ઇંગ્લેન્ડ સ્પર્ધામાં ૯૮ વર્ષના ઇતિહાસમાં પહેલી વાર એક મોટો ઉલટફેર જોવા મળ્યો. સૌંદર્યસ્પર્ધાઓ તો લગભગ દરેક દેશમાં યોજાય છે અને વૈશ્વિક સ્તરે પણ અનેક બ્યુટી-કોન્ટેસ્ટ થાય છે. એમાં એક જ વિજેતા હોય છે અને બીજા બે રનર-અપ્સ. જોકે બ્રિટનમાં યોજાયેલી મિસ ઇંગ્લેન્ડ ૨૦૨૬ની સ્પર્ધામાં કદી ન થયું હોય એવું થયું. બે સુંદરીઓને જાજિઝ તરફથી એકસરખા માર્ક્સ મળેલા હોવાથી બન્નેને વિજેતા ઘોષિત કરવામાં આવી હતી. જ્યારે કેટવોક અને ટેલન્ટ રાઉન્ડ પૂરો થયો અને બધાના માર્ક્સ જાહેર થયા ત્યારે બધા દંગ થઈ ગયા, કેમ કે ૧૯ વર્ષની કેટલિન બેનેટ અને ૨૩ વર્ષની એલી ડેગલિશ નામની બે યુવતીઓ વચ્ચે ટાઇ થઈ હતી. બન્નેને એકસરખા માર્ક્સ મળ્યા હતા. એ પછી પણ એક સવાલનો રાઉન્ડ કરવામાં આવ્યો અને દરેક જજે અલગથી માર્ક્સ આપ્યા. એ રાઉન્ડમાં પણ બન્નેને સરખા જ માર્ક્સ મળ્યા. આખરે નિર્ણાયકોએ નક્કી કર્યું કે આ બન્ને છોકરીઓ મિસ ઇંગ્લેન્ડના ખિતાબની સાચી હકદાર છે એટલે બન્નેને જોઇન્ટ વિનર જાહેર કરવી. બન્ને સુંદરીઓ પોતપોતાના વિસ્તારોનું પ્રતિનિધિત્વ કરશે. આ વર્ષે નવેમ્બર મહિનામાં લેસ્ટરમાં યોજાનારી સ્પર્ધામાં તેમની વચ્ચે મુકાબલો થશે. એમાં જે જીતશે તેને આવતા વર્ષે ૨૦૨૭ની મિસ વર્લ્ડ સ્પર્ધામાં ઇંગ્લેન્ડનું પ્રતિનિધિત્વ કરવા મળશે
(10:37 AM IST)
છેલ્લા 8 દિવસમાં સૌથી લોકપ્રિય 
