અમદાવાદ  : વિશ્વવિખ્યાત એનવિડિયા કંપનીના સીઈઓ જેન્સન હુઆંગના રાજીનામા બાદ કંપનીના ડિરેક્ટર બોર્ડમાં સ્થાન ધરાવતાં ભારતીય મૂળનાં ડૉ. આરતી શાહ ચર્ચામાં આવ્યાં છે. આરતી શાહે ગુજરાત યુનિવર્સિટીમાંથી આંકડાશાસ્ત્ર અને ગણિત વિષયમાં સ્નાતક તથા અનુસ્નાતક અભ્યાસ કર્યો હતો. ત્યારબાદ અમેરિકાની યુનિવર્સિટી ઓફ કેલિફોર્નિયા, રિવરસાઇડમાંથી એપ્લાઇડ સ્ટેટિસ્ટિક્સમાં પીએચ.ડી. મેળવી હતી. તેમણે વિશ્વપ્રસિદ્ધ ફાર્માસ્યુટિકલ કંપની એલી લિલીમાં આશરે ૨૭ વર્ષ વિવિધ જવાબદારીઓ સંભાળી હતી. નવેમ્બર, ૨૦૨૦માં તેમની એનવિડિયાના ડિરેક્ટર તરીકે નિમણૂક થઈ હતી. તેઓ કંપનીની ઓડિટ અને વળતર સમિતિમાં પણ સામેલ છે. 

હુઆંગ અંગેના વિવાદની સ્વતંત્ર તપાસ માટે બોર્ડે સમિતિ રચી હતી. હવે નવા કાયમી સીઈઓની પસંદગી બોર્ડની સામૂહિક પ્રક્રિયા દ્વારા થશે. ડૉ. આરતી શાહ એકમાત્ર નિર્ણયકર્તા નથી, પરંતુ અનુભવી સભ્ય તરીકે તેમની ભૂમિકા મહત્વપૂર્ણ રહેશે.