ઓડિશાના પુરી બીચ પર પ્રખ્યાત રેત કલાકાર (સેન્ડ આર્ટિસ્ટ) સુદર્શન પટનાયકે ભગવાન શિવની એક ભવ્ય કૃતિ બનાવી છે. ગુજરાતના સોમનાથ મંદિરમાં ચાલી રહેલા 'સોમનાથ સ્વાભિમાન પર્વ' ની ઉજવણીના ભાગરૂપે તેમણે આ કલાકૃતિ તૈયાર કરી હતી.

આ કલાકૃતિમાં તેમણે ૫ ફૂટ ઊંચું શિવલિંગ બનાવ્યું છે અને તેની આસપાસ ૧૦૮ નાના શિવલિંગો પણ કંડાર્યા છે. 

રેતીમાં 'ૐ નમઃ શિવાય' મંત્ર લખીને તેમણે સોમનાથ મંદિરના ગૌરવ અને ભારતીય સંસ્કૃતિનો સંદેશો આપ્યો હતો. આ સેન્ડ આર્ટ જોવા માટે પ્રવાસીઓની ભીડ ઉમટી હતી.