નવી દિલ્‍હી, તા.૧૫: ભારતની નિકાસ નવેમ્‍બરમાં ૧૯.૩૭ ટકા વધીને ૩૮.૧૩ અબજ ડોલર થઈ, જ્‍યારે આયાત ૧.૮૮ ટકા ઘટીને ૬૨.૬૬ અબજ ડોલર થઈ. સોમવારે જાહેર કરાયેલા સરકારી ડેટા દ્વારા આ વાતની પુષ્ટિ કરવામાં આવી.

વાણિજ્‍ય સચિવ રાજેશ અગ્રવાલે જણાવ્‍યું હતું કે નવેમ્‍બરની નિકાસે આ વર્ષે ઓક્‍ટોબરમાં થયેલા નુકસાનની ભરપાઈ કરી છે. તેમણે ઉમેર્યું હતું કે નવેમ્‍બરની ૩૮.૧૩ અબજ ડોલરની નિકાસ છેલ્લા ૧૦ વર્ષમાં સૌથી વધુ હતી. નવેમ્‍બરમાં વેપાર ખાધ ૨૪.૫૩ અબજ ડોલર હતી.

એકંદરે, એપ્રિલથી નવેમ્‍બર દરમિયાન નિકાસ ૨.૬૨ ટકા વધીને ૨૯૨.૦૭ અબજ ડોલર થઈ, જ્‍યારે આ આઠ મહિના દરમિયાન આયાત ૫.૫૯ ટકા વધીને ૫૧૫.૨૧ અબજ ડોલર થઈ.