યુક્રેન દ્વારા અમેરિકા તરફથી ટોમહોક મિસાઈલ સ્વીકારવામાં આવી તેને લઈ રશિયાએ ગંભીર ચિંતા વ્યક્ત કરી છે. ક્રેમલિને કહ્યું છે કે આ પરિસ્થિતિ યુદ્ધને બિલકુલ નાટ્યાત્મક વળાંક પર લઈ જઈ રહ્યું છે, જ્યાં દરેક વચ્ચે તણાવની સ્થિતિ વધવા જઈ રહી છે.

અમેરિકાના રાષ્ટ્રપતિ ડોનાલ્ડ ટ્રમ્પે સોમવારે કહ્યું હતું કે તેઓ જાણવા માંગે છે કે યુક્રેન ટોમહોક મિસાઈલ પહોંચાડતા પહેલા તેનો ઉપયોગ કેવી રીતે કરવાનો ઇરાદો ધરાવે છે, કારણ કે તેઓ રશિયા-યુક્રેન યુદ્ધને વધારવા માંગતા નથી. તેમણે એમ પણ કહ્યું કે તેમણે આ મુદ્દા પર અમુક હદ સુધી નિર્ણય લઈ લીધો છે.

ટોમહોક મિસાઈલ 2,500 કિલોમીટર સુધીની રેન્જ ધરાવે છે, જેનાથી યુક્રેન રશિયામાં ઊંડે સુધી પ્રહાર કરી શકે છે અને મોસ્કો સુધી પણ પહોંચી શકે છે. કેટલાક જૂના મોડેલો પરમાણુ શસ્ત્રો પણ વહન કરી શકે છે.

ક્રેમલિનના પ્રવક્તા દિમિત્રી પેસ્કોવે કહ્યું કે જો ટોમહોક મિસાઈલ રશિયા પર છોડવામાં આવે છે તો આપણે માની લેવું પડશે કે તેમાંથી કેટલાક પરમાણુ હથિયારો લઈ જઈ શકે છે. કલ્પના કરો જો આટલી લાંબા અંતરની મિસાઇલ ઉડી રહી હોય તો રશિયાએ શું વિચારવું જોઈએ તેણે કેવી પ્રતિક્રિયા આપવી જોઈએ?" તેમણે ચેતવણી આપી હતી કે વિદેશી લશ્કરી નિષ્ણાતોએ આ સમજવું જોઈએ.

રશિયાના રાષ્ટ્રપતિ વ્લાદિમીર પુતિને જણાવ્યું છે કે ટોમહોક મિસાઈલનો ઉપયોગ US લશ્કરી સંડોવણી વગર અશક્ય છે, તેથી યુક્રેનને તે પૂરી પાડવાથી યુદ્ધના ખતરનાક નવા તબક્કાની શરૂઆત થશે.

ફાઇનાન્શિયલ ટાઇમ્સના અહેવાલ મુજબ US પહેલાથી જ રશિયન એનર્જી પ્રોજેક્ટો પર લાંબા અંતરના હુમલાઓમાં યુક્રેનને મદદ કરી રહ્યું છે. US ગુપ્તચર એજન્સીઓ યુક્રેનને રૂટ, ઊંચાઈ અને સમય નક્કી કરવામાં મદદ કરે છે જેથી તેના ડ્રોન રશિયન હવાઈ સંરક્ષણને ટાળ્યા વગર લક્ષ્યાંકો સુધી પહોંચી શકે. 

પુતિન યુદ્ધને મોસ્કો અને પશ્ચિમ વચ્ચેના સંબંધોમાં એક વળાંક તરીકે જુએ છે. તેઓ કહે છે કે વર્ષ 1991માં સોવિયેત યુનિયનના પતન પછી પશ્ચિમે રશિયાનું અપમાન કર્યું અને યુક્રેન અને જ્યોર્જિયા સહિત રશિયાની સરહદો સુધી નાટોનો વિસ્તાર કર્યો છે.