તા. ૬ સપ્ટેમ્બર ર૦ર૫ વિક્રમ સંવત ર૦૮૧ ભાદરવો સુદ – ૧૪ શનિવાર
વિશ્વ શાંતિ માટે બહુ-આયામી અભિગમ અપનાવવો પડશેઃઆચાર્ય લોકેશજી
જૈન આચાર્ય લોકેશજી અને UAEના સહિષ્ણુતા મંત્રીએ વિશ્વશાંતિ અંગે વિસ્તળત ચર્ચા કરી વિશ્વશાંતિ સ્થાપિત કરવા માટે આંતર-ધાર્મિક સંવાદ મહત્વપૂર્ણ : શેખ નાહયાન
રાજકોટ, તા., ૧૭: વિશ્વશાંતિ કેન્દ્રના સ્થાપક આચાર્ય લોકેશજીએ દુબઈમાં યુએઈના સહિષ્ણુતા મંત્રી શેખ નાહયાન બિન મુબારક અલ નાહયાનને મળ્યા અને વિશ્વશાંતિ અને સદભાવના સ્થાપિત કરવાના વિવિધ પાસાઓ પર ચર્ચા કરી હતી.
જૈન આચાર્ય લોકેશજી જણાવ્યું હતું કે વિશ્વશાંતિ સ્થાપિત કરવા માટે બહુ-પરિમાણીય અભિગમ અપનાવવાની જરૂર છે જે સંઘર્ષ, હિંસા અને યુદ્ધના મૂળ કારણોને સંબોધિત કરે અને રાષ્ટ્રો અને સમુદાયો વચ્ચે એકબીજા પ્રત્યે સમજણ, સહકાર અને સદભાવનાને પ્રોત્સાહન આપે. લોકેશજીએ કહ્યું કે અહિંસા વિશ્વ ભારતી દ્વારા દિલ્હી એનસીઆરમાં સ્થાપિત વિશ્વ શાંતિ કેન્દ્ર આંતર-ધાર્મિક પરિષદો, આંતર-ધાર્મિક સંવાદો અને કાર્યશાળાઓ, શાંતિ શિક્ષણ દ્વારા વિશ્વ શાંતિ અને સંવાદિતા સ્થાપિત કરવાનો એક મહત્વપૂર્ણ પ્રયાસ છે.
UAE ના સહિષ્ણુતા મંત્રી શેખ નાહયાન બિન મુબારક અલ નાહાને કહ્યું કે વિશ્વશાંતિ કેન્દ્ર જેવી સંસ્થાઓની આજકાલ જરૂર છે અને આ કેન્દ્ર દ્વારા વિશ્વ શાંતિ અને સદભાવના માટેના પ્રયાસોને વેગ મળશે. ધર્મ અને આસ્થા આંતર-ધાર્મિક સંવાદને પ્રોત્સાહન આપીને, સહિષ્ણુતા અને પરસ્પર સમજણને પ્રોત્સાહિત ફરીને અને સહિયારા મૂલ્યો અને સિદ્ધાંતો પર ભાર મૂકીને શાંતિને પ્રોત્સાહન આપવામાં મહત્વની ભૂમિકા ભજવી શકે છે, જેનાથી શાંતિપૂર્ણ સમાજોનું નિર્માણ થાય છે. જ્યારે માનવ અસ્તિત્વના વિવિધ પાસાઓની કાળજી લેવામાં આવે ત્યારે જ શાંતિ અને ન્યાયની સ્થાપના થઇ શકે છે.(૪.૨૨)
(2:42 PM IST)
છેલ્લા 8 દિવસમાં સૌથી લોકપ્રિય 
