છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
મા-બાપે પોતાની જીવતી દીકરીનો કરી નાખ્યો અંતિમ સંસ્કાર
જેણે પરિવારની ઈચ્છા વિરુદ્ધ પ્રેમ લગ્ન કર્યા હતાઃ એક નિર્ણયના કારણે પરિવારે મનાવ્યો માતમ
નવી દિલ્હી તા.૧૭: એક માતા-પિતાએ પોતાની જીવતી દીકરીની શ્રાદ્ધ વિધિ કરી. કેમ કે પરિવારની મરજી વિના કરેલા લગ્નને તેના આખા ગામ અને સાથે જ પરિવારના સભ્યો ન સ્વીકારી શકયા. એટલા માટે ભવિષ્યમાં કોઈ પણ દીકરીને આવું કરવાથી રોકવા માટે માતા-પિતાએ પોતાની દીકરીને અયોગ્ય સંતાન ઘોષિત કરી અને શ્રાદ્ધ વિધિ કરી. આ ઘટના ચોપરા સ્ટેશનના સોનાપુર ગ્રામ પંચાયતમાં બની. છોકરીને કોઈની પણ સાથે પ્રેમ થઈ ગયો અને તેને ભાગીને લગ્ન કરી લીધા હતા. ઘણી સમજાવ્યા પછી પણ છોકરી ઘરે પાછા ફરવા માટે રાજી ન થઈ.
આ બાદ માતા-પિતાએ શનિવારે ઘરે પોતાની દીકરીને શ્રાદ્ધ સમારોહનું આયોજન કર્યું. શ્રાદ્ધ સમારોહમાં પરિવારના સભ્યો સાથે-સાથે ગ્રામીણ પણ સામેલ થયા. દીકરીના અંતિમ સંસ્કાર દરમિયાન માતા-પિતા સહિત આખો પરિવાર રડી પડ્યો. જ્યારે ઘટનાની ખબર પર પડી, ત્યારે આખા ચોપડામાં હંગામો મચી ગયો. આ વિધિ સામાન્ય રીતે મળત પૂર્વજોના સન્માન માટે કરવામાં આવે છે, પરંતુ આ વખતે પરિવારે તેમની પુત્રીના લગ્ન તેમની સંમતિ વિના થયા હોવા અંગે પોતાનો અસંમતિ વ્યક્ત કરવા માટે -તીકાત્મક રીતે આ વિધિ કરી.
‘‘શ્રાદ્ધ'' વિધિ હિન્દુ સંસ્કળતિમાં ઊંડું મહત્વ ધરાવે છે, જે મળત પૂર્વજોના સન્માન અને તેમના આત્માની શાંતિ માટે કરવામાં આવે છે. જીવંત વ્યક્તિ માટે આ ધાર્મિક વિધિ કરવી એ ખૂબ જ કઠોર પગલું છે, જે પરિવાર અને સમુદાયમાંથી તેમના બહિષ્કારનું પ્રતીક છે. આવી ક્રિયાઓ પરંપરાગત મૂલ્યોના મહત્વને પ્રતિબિંબિત કરે છે, ત્યાં લગ્નની બાબતોમાં કૌટુંબિક સંમતિને અત્યંત મહત્વપૂર્ણ માનવામાં આવે છે. પરિવારની મંજૂરી વિનાના લગ્ન ઘણીવાર સામાજિક ધોરણોની વિરુદ્ધ માનવામાં આવે છે, જેના ગંભીર પરિણામો આવે છે. જેમાં સામાજિક બહિષ્કારનો પણ સમાવેશ થાય છે.(૩૮.૯)
(10:05 AM IST)
