છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
૫૦ વર્ષીય પરિણીત મહિલાને માતૃત્વ માટે સરોગસીનો વિકલ્પ પસંદ કરવાની પરવાનગી
સરોગસી પર કેરળ હાઈકોર્ટનો મહત્વપૂર્ણ ચુકાદો
કોચી,તા.૧૭: કેરળ હાઈકોર્ટે સરોગસી અંગે એક મહત્વપૂર્ણ ચુકાદો આપ્યો છે. કોર્ટે તેના ચુકાદામાં કહ્યું છે કે માતા બનવાની ઈચ્છા પૂરી કરવા અને માતળત્વનું સુખ મેળવવા માટે, મહિલાઓ ૫૦ વર્ષની ઉંમર સુધી સરોગસી પસંદ કરી શકે છે. કોર્ટે આ ચુકાદો મહિલા સરોગસી (નિયમન) અધિનિયમ, ૨૦૨૧ હેઠળ સુનાવણી દરમિયાન આપ્યો હતો. કોર્ટે પોતાના નિર્ણયમાં ૫૦ વર્ષીય પરિણીત મહિલાને માતળત્વ માટે સરોગસીનો વિકલ્પ પસંદ કરવાની પરવાનગી આપી હતી.
શુક્રવારે ચીફ જસ્ટિસ નીતિન જામદાર અને જસ્ટિસ એસ મનુની ડિવિઝન બેન્ચે સિંગલ બેન્ચના આદેશને બદલીને ૫૦ વર્ષીય પરિણીત મહિલાને માતા બનવાની ઇચ્છા પૂરી કરવાની મંજૂરી આપી હતી. તેમાં કહેવામાં આવ્યું છે કે આ કાયદામાં સરોગસી માટે ૨૩ થી ૫૦ વર્ષની વય મર્યાદા નક્કી કરવામાં આવી છે, જેમાં ૫૦ વર્ષ સુધીની મહિલાઓનો પણ સમાવેશ થાય છે. તેમણે કહ્યું હતું કે આ માતળત્વનું એક મૂળભૂત પાસું છે. કોર્ટનો આ નિર્ણય મહિલાઓના અધિકારો અને માતળત્વની તેમની ઇચ્છાના રક્ષણ તરફ એક મોટું પગલું છે.
હાઈકોર્ટે કહ્યું કે કાયદામાં સરોગસી માટેની વય મર્યાદા ૨૩ થી ૫૦ વર્ષ વચ્ચે જણાવવામાં આવી છે. આમાં ૫૦ વર્ષની વયની મહિલાઓનો પણ સમાવેશ થાય છે. કેરળ સ્ટેટ આસિસ્ટેડ રીપ્રોડક્ટિવ ટેકનોલોજી એન્ડ સરોગસી બોર્ડ (KSARTSB) એ અગાઉ મહિલાને સરોગસી માટે મંજૂરી આપવાનો ઇનકાર કર્યો હતો. બોર્ડે જણાવ્યું હતું કે કાયદા મુજબ, સરોગસી પસંદ કરવા માંગતી પરિણીત મહિલાની ઉંમર પ્રમાણપત્ર જારી કરવાની તારીખે ૨૩ થી ૫૦ વર્ષની વચ્ચે હોવી જોઈએ. આ પછી મહિલા અને તેના પતિએ હાઈકોર્ટનો દરવાજો ખટખટાવ્યો હતો. અગાઉ, સિંગલ બેન્ચે બોર્ડના નિર્ણયને માન્ય રાખ્યો હતો.(૪૦.૫)
(10:04 AM IST)
