સંસદ નજીક એક વ્યક્તિએ પેટ્રોલ નાખીને આત્મહત્યા કરી લીધી. પોલીસના જણાવ્યા અનુસાર વ્યક્તિએ આત્મહત્યાનો પ્રયાસ કર્યો છે. તેને ગંભીર હાલતમાં હોસ્પિટલમાં દાખલ કરવામાં આવ્યો છે. પોલીસ આ મામલે તપાસ કરી રહી છે

સંસદ નજીક એક વ્યક્તિએ આત્મહત્યા કરવાનો પ્રયાસ કર્યો છે. દિલ્હી પોલીસે જણાવ્યું કે  સંસદ નજીક એક વ્યક્તિએ પોતાની જાતને આગ લગાવી દીધી. આત્મહત્યાનો પ્રયાસ કરતી વખતે વ્યક્તિ ગંભીર રીતે દાઝી ગયો હતો અને તેને તાત્કાલિક હોસ્પિટલમાં લઈ જવામાં આવ્યો હતો. સ્થળ પરથી પેટ્રોલ મળી આવ્યું છે. ઘટનાને પગલે સ્થળ પર અફરાતફરીનો માહોલ સર્જાયો હતો. વ્યક્તિની હાલત નાજુક હોવાનું કહેવાય છે.

દિલ્હી પોલીસે જણાવ્યું કે આ વ્યક્તિ યુપીના બાગપતનો રહેવાસી છે. તેનું નામ જિતેન્દ્ર છે. તેણે રેલ ભવનના રાઉન્ડ અબાઉટમાં પોતાની જાતને આગ લગાવી દીધી. સ્થાનિક પોલીસ અને રેલવે પોલીસે કેટલાક નાગરિકો સાથે મળીને આગ બુઝાવી હતી. જિતેન્દ્રને હોસ્પિટલમાં લઈ જવામાં આવ્યો છે. એવું લાગે છે કે બાગપતમાં આ અંગત અદાવતનો મામલો છે, જેના કારણે વ્યક્તિએ પોતાની જાતને આગ લગાવી દીધી છે.

ડીસીપી દેવેશ કુમાર મહાલાએ કહ્યું- યુપીના બાગપતના રહેવાસી જિતેન્દ્ર નામના વ્યક્તિએ રેલ ભવન ચોક પર આત્મહત્યા કરવાનો પ્રયાસ કર્યો. પોલીસ કોન્સ્ટેબલ અને કેટલાક નાગરિકોએ તાત્કાલિક આગને કાબુમાં લીધી હતી. તપાસમાં જાણવા મળ્યું કે ઉત્તર પ્રદેશના બાગપતમાં તેની સામે નોંધાયેલા કેસને કારણે તે નારાજ હતો. હજુ સુધી કોઈ સુસાઈડ નોટ મળી નથી. તેને હોસ્પિટલમાં મોકલવામાં આવ્યો છે. વધુ તપાસ ચાલુ છે.

આ ઘટના એવા સમયે સામે આવી છે જ્યારે ક્રિસમસ અને નવા વર્ષને લઈને દિલ્હીમાં સુરક્ષા ખૂબ જ કડક છે. ભીડભાડવાળા વિસ્તારોમાં પોલીસ બંદોબસ્ત વધારી દેવામાં આવ્યો છે. પોલીસની ટીમો સતત પેટ્રોલિંગ કરી રહી છે. વાહનોની સઘન શોધખોળ પણ ચાલુ છે. પોલીસનું કહેવું છે કે તેઓ આ મામલે તપાસ કરી રહ્યા છે. પોલીસ આ મામલે તપાસ કરી રહી છે.