ઉજ્જૈનમાં કચરો વીણતી મહિલાને હવસનો શિકાર બનાવી : દારૂ પીવડાવી દુષ્કર્મ આચર્યુ
અજાણ્યા લોકોએ બળાત્કારનો વીડિયો બનાવીને સોશિયલ મીડિયા પર વાયરલ કર્યો
ઉજ્જૈન, તા.૬: મધ્યપ્રદેશના ઉજ્જૈનમાં કચરો વીણતી મહિલા પર બળાત્કારનો મામલો સામે આવ્યો છે. આરોપીએ મહિલાને લગ્નની લાલચ આપી હતી. આ પછી તેણે મહિલાને દારૂ પીવડાવ્યો અને દારૂના નશામાં તેની સાથે બળાત્કાર પણ કર્યો. અજાણ્યા લોકોએ બળાત્કારનો વીડિયો બનાવીને સોશિયલ મીડિયા પર વાયરલ કર્યો હતો.
આરોપીએ લગ્નના બહાને ઉજ્જૈનના અગર નાકા વિસ્તારમાં કચરો વીણતી એક મહિલા સાથે બળાત્કાર કર્યો હતો. આરોપીએ મહિલાને બળજબરીથી દારૂ પીવડાવ્યો અને તેની સાથે બળાત્કાર કર્યો. આ દરમિયાન અજાણ્યા લોકોએ બળાત્કારનો વીડિયો બનાવીને સોશિયલ મીડિયા પર વાયરલ કર્યો હતો. એક પોલીસ અધિકારીએ ગુરુવારે આ ઘટનાની માહિતી આપી. કોતવાલી વિસ્તારના સિટી સુપરિન્ટેન્ડેન્ટ ઑફ પોલીસ (CSP) ઓમ પ્રકાશ મિશ્રાએ જણાવ્યું હતું કે અજાણ્યા વ્યક્તિઓ દ્વારા બનાવેલા બળાત્કારનો વીડિયો સોશિયલ મીડિયા પર વાયરલ થયા બાદ આ ઘટના સામે આવી હતી.
પોલીસે જણાવ્યું કે આ ઘટના બુધવારે બની હતી. ફરિયાદ મળ્યા બાદ કેસમાં કાર્યવાહી હાથ ધરવામાં આવી હતી અને આરોપીની ધરપકડ કરવામાં આવી હતી. કોતવાલી વિસ્તારના સિટી સુપરિન્ટેન્ડેન્ટ ઑફ પોલીસ, ઓમ પ્રકાશ મિશ્રાએ કહ્યું, આરોપી લોકેશે પીડિતા સાથે લગ્ન કરવાનું વચન આપ્યું હતું, તેને દારૂ પીવડાવ્યો અને પછી તેની સાથે બળાત્કાર કર્યો. ત્યાંથી પસાર થતા કેટલાક લોકોએ ગુનો રોકવાને બદલે ઘટનાનો વીડિયો બનાવ્યો હતો. લોકેશ બાદમાં ઘટના સ્થળેથી ભાગી ગયો હતો. ત્યારબાદ નશો ઉતરતા મહિલાએ ફરિયાદ નોંધાવી હતી અને લોકેશની ધરપકડ કરવામાં આવી.
(11:15 AM IST)
છેલ્લા 8 દિવસમાં સૌથી લોકપ્રિય 
