નવી દિલ્હી:કુદરતના રાક્ષસી કોપ અને વિનાશકારી તાંડવનો એક અત્યંત ચોંકાવનારો અને કાળજું કંપાવી દેતો ભયાનક વિસ્ફોટક ઈન્ટરનેશનલ ધડાકો સામે આવ્યો છે! ઇન્ડોનેશિયામાં અચાનક એક મસમોટો અને કાળમુખો જ્વાળામુખી ભયાનક ધડાકા સાથે ફાટી નીકળ્યો છે! પેટાળમાંથી નીકળેલી ધગધગતી આગની જ્વાળાઓ, ઝેરી વાયુઓ અને રાખના રાક્ષસી વાદળોએ આકાશને સંપૂર્ણપણે કબ્જે કરી લેતાં જકાર્તા સહિતના એરપોર્ટો પરથી ઊડતી પૂરી ૪૬૭ ફ્લાઈટ્સને સટાકથી કાળમુખી અસર પહોંચી છે
રાખ ફેલાવવાને કારણે જકાર્તાનાં સોઆકાર્નો-હટ્ટા ઇન્ટરનેશનલ એરપોર્ટ પર કેટલાક કલાકો સુધી ફલાઇટો બંધ રાખવાની ફરજ પડી હતી.
આ જવાળામુખી જાવા અને સુમાત્રા દ્વીપોની વચ્ચે સુંડા જળ સંધિમાં આવેલ છે. ભૂવૈજ્ઞાાનિક એજન્સીનાં જણાવ્યા અનુસાર અહીં શુક્રવારથી હલચલ વધી ગઇ હતી. રવિવાર સવારે ૩.૫૩ કલાકે લગભગ ૩૦ સકન્ડ સુધી વિસ્ફોટ થયો હતો. કેમેરામાં જ્વાળામુખીમાંથી નીકળતા લાવાની ચમક પણ જોવા મળી હતી. અત્યાર સુધી કોઇનાં પણ મોતનાં સમાચાર નથી. લોકોને સક્રિય ક્રેટરથી ઓછામાં ઓછા ૩ કિમી દૂર રહેવાની સલાહ આપવામાં આવી છે.
વિસ્ફોટ પછી રાખનાં બે અલગ અલગ વાદળો બન્યા હતાં. પ્રથમ લગભગ ૨૦,૦૦૦ ફૂટની ઉંચાઇ સુધી પહોંચ્યું હતું. તે ઉત્તર-પૂર્વ દિશામાં આગળ વધ્યું હતું. જેના કારણે જકાર્તા, બૈંટન, પશ્ચિમી જાવાનાં કેટલાક ભાગોમાં અસર થઇ હતી.
બીજું વાદળ ૫૦ હજાર ફૂટ સુધી પહોંચ્યું હતું. તે પશ્ચિમ અને ઉત્તર પશ્ચિમની તરફ આગળ વધ્યું હતું. જેના કારણે બૈંટન, લૈપુંગ, બેંગકુલુ, સુમાત્રાની પશ્ચિમમાં હિંદ મહાસાગરનાં કેટલાક વિસ્તારોમાં અસર જોવા મળી હતી.
રાખ ફેલાવવાનાં કારણે સોએકાર્નો હટ્ટા એરપોર્ટ પર સવારે ૫.૩૦થી ૯.૩૦ વાગ્યા સુધી ફલાઇટો બંધ કરી દેવામાં આવી હતી. રવિવારનાં દિવસે કુલ ૪૬૭ ફલાઇટને અસર થઇ હતી.
જેના કારણે ૧.૫૦ લાખથી વધુ યાત્રીઓને અસર થઇ હતી. આંતરરાષ્ટ્રીય ફલાઇટોમાં સિંગાપુર જનારી ફલાઇટોને સૌથી વધુ અસર થઇ હતી. રાતનાં સમયે એરપોર્ટ પર ઉભા કરવામાં આવેલા ૧૭૦ વિમાનોને ત્યાં જ રાખી મૂકવામાં આવ્યા હતાં.