નવી દિલ્હી: મિડલ ઈસ્ટ (મધ્ય પૂર્વ) માં ચાલી રહેલો સૈન્ય સંઘર્ષ હવે ચરમસીમાએ પહોંચી ગયો છે અને વિશ્વયુદ્ધ જેવી ભયાનક સ્થિતિ સર્જાઈ છે, જેમાં ઇઝરાયેલી આર્મી દ્વારા લેબનોન પર કરાયેલા ભીષણ હુમલામાં વધુ ૬૫ લોકોના સત્તાવાર મોત થયા છે, જેના ઘેરા પ્રત્યાઘાતમાં ઈરાને આંતરરાષ્ટ્રીય જળસીમામાં આવેલી વ્યૂહાત્મક હોર્મુઝ સામુદ્રધુનીને સજ્જડ બંધ કરી દીધી હોવાના સનસનાટીભર્યા અહેવાલો પ્રાપ્ત થયા છે. ગ્લોબલ મિલિટરી ઇન્ટેલિજન્સ અને મિડલ ઈસ્ટ ડિફેન્સ ડેસ્ક રિપોર્ટ મુજબ, ઇઝરાયેલે લેબનોનના રહેણાંક અને સૈન્ય ઠેકાણાઓને નિશાન બનાવી સેંકડો ટન બોમ્બ વરસાવ્યા હતા, જેમાં ભારે જાનહાનિ થઈ છે. આ હુમલાના વિરોધમાં અને લેબનોનની વહારે આવેલી ઈરાનની ઇસ્લામિક રિવોલ્યુશનરી ગાર્ડ કોર્પ્સ (IRGC) એ ગલ્ફ ઓફ ઓમાન અને પર્શિયન ગલ્ફને જોડતા હોર્મુઝ રૂટ પર પોતાના સૈન્ય જહાજો ગોઠવી દીધા છે. આ આર્થિક નાકાબંધીના કારણે દુનિયાભરના દેશોના ઓઇલ ટેન્કરો અટવાઈ ગયા છે, જેના લીધે આંતરરાષ્ટ્રીય માર્કેટમાં બેરલ દીઠ ક્રૂડના ભાવો ઉછળ્યા છે.
ઇરાનના જોઇન્ટ મિલિટરી કમાન્ડે જણાવ્યું હતું કે ઇઝરાયેલ લેબનોનમાં અવિરત હિંસા આદરે જાય છે અને અમેરિકા પણ તેને અટકાવવા કશું જ કરી રહ્યુ નથી તે જોઈએ અમે હોર્મુઝને ફરીથી બંધ કરીએ છીએ. હવે  લેબનોનમાં ઇઝરાયેલની હિંસા અટકશે પછી જ હોર્મુઝ ખૂલશે, ત્યાં સુધી નહી ખૂલે. તહેરાનનું માનવું છે કે ઇઝરાયેલના આ પ્રકારના હુમલા ડીલની શરતોનો ભંગ કરે છે. જ્યારે અમેરિકાનો દાવો છે કે હોર્મુઝ હવે ખુલ્લુ જ છે. તે બંધ છે જ નહીં.
ઇરાને તેના વાટાઘાટકારો સ્વિટ્ઝરલેન્ડ જવા માટે રવાના થયા તેની સરકારી ટીવી પર જાહેરાત કરી તેના પછીના થોડા જ સમયમાં હોર્મુઝ બંધ કરી હતી. વિદેશ મંત્રાલયના પ્રવક્તા ઇસ્માઇક બાઘીલે સંકેત આપ્યા છે કે રવિવારની વાતચીતમાં ં કોઈ પ્રગતિ સંધાય તેવી સંભાવના નથી. ઇરાનના જોઇન્ટ મિલિટરી કમાન્ડે જણાવ્યું હતું કે ઇઝરાયેલના હુમલા અને અમેરિકાનો અવિશ્વાસ સ્પષ્ટપણે દર્શાવે છે કે યુદ્ધનો અંત લાવવાની શરતોનું તે સન્માન કરી રહ્યા નથી. અંતિમ કરારની વાટાઘાટો શરૂ ત્યારે જ થશે જ્યારે એમઓયુનું પાલન કરવામાં આવે. જો આમ ન થયું તો એમઓયુ જ નિષ્ફળ જશે.અમેરિકાના વાઇસ પ્રેસિડેન્ટ જેડી વાન્સે જણાવ્યું હતું કે ટોચના અમેરિકન વાટાઘાટકાર જેરેડ કુશનર અને સ્ટીવ વિટકોફ સ્વિટ્ઝરલેન્ડમાં છે. તેઓ ઇરાનના પરમાણુ કાર્યક્રમને લઈને અપેક્ષિત વાટાઘાટોની ટેકનિકલ વિગતો પર કામ કરી રહ્યા છે. વાન્સે પણ જણાવ્યું હતું કે તેઓ પણ આગામી દિવસોમાં સ્વિટ્ઝરલેન્ડ જવા રવાના થવાના છે. અમેરિકા-ઇરાનના લીધે વૈશ્વિક અર્થતંત્ર હાલમાં અનિશ્ચિતતાની સ્થિતિમાંથી પસાર થઈ રહ્યું છે. જહાજો હોર્મુઝમાંથી પસાર તો થવા લાગ્યા છે, પરંતુ અમેરિકા-ઇરાન વચ્ચેના કરારના કેટલાય સવાલો હજી સુધી અનુત્તરીત છે.