પંચમહાલ, દાહોદ અને મહીસાગર જિલ્લાના પશુપાલકો માટે ખુશીના સમાચાર સામે આવ્યા છે. પંચામૃત ડેરી દ્વારા દૂધના ખરીદ ભાવમાં પ્રતિ કિલો ફેટે રૂ.20નો વધારો કરવામાં આવ્યો છે. આ વધારા સાથે હવે પશુપાલકોને પ્રતિ કિલો ફેટે રૂ.905 ચૂકવવામાં આવશે. નવા ભાવનો અમલ આગામી 21 નવેમ્બરથી કરવામાં આવશે અને ત્યારબાદના દૂધ બિલમાં પશુપાલકોને વધારાનો લાભ મળશે. ડેરીના આ નિર્ણયથી ત્રણેય જિલ્લાના લાખો પશુપાલકોને આર્થિક ફાયદો થશે.