અમદાવાદ, તા. ર૧ :  કર્મચારી, જાહેર ફરિયાદ અને પેન્‍શન મંત્રાલયના પેન્‍શન અને પેન્‍શનરોના કલ્‍યાણ વિભાગ (DoPPW) દ્વારા સરકારના પેન્‍શનરોના ડિજિટલ સશક્‍તિકરણના વિઝન હેઠળ ૧ થી ૩૦ નવેમ્‍બર ૨૦૨૫ દરમિયાન રાષ્‍ટ્રવ્‍યાપી ડિજિટલ લાઇફ સર્ટિફિકેટ (DLC) ઝુંબેશ ૪.૦નું આયોજન કરવામાં આવ્‍યું હતું. આ ઝુંબેશ સેચ્‍યુરેશન અભિગમ અપનાવે છે, જેમાં દેશભરના ૨,૦૦૦ થી વધુ શહેરો અને નગરોને આવરી લેવામાં આવે છે, જેથી પેન્‍શનરોને બહુવિધ ડિજિટલ મોડ્‍સ દ્વારા તેમના જીવન પ્રમાણપત્રો સબમિટ કરવાની સુવિધા મળે.

વિભાગ ૨૦૨૧માં રજૂ કરાયેલ આધાર-આધારિત ફેસ ઓથેન્‍ટિકેશન ટેકનોલોજીના ઉપયોગને પ્રોત્‍સાહન આપવાનું ચાલુ રાખે છે, જેનાથી પેન્‍શનરો સ્‍માર્ટફોનનો ઉપયોગ કરીને ઘરે બેઠા તેમના જીવન પ્રમાણપત્રો સબમિટ કરી શકે છે. ઇન્‍ડિયા પોસ્‍ટ પેમેન્‍ટ્‍સ બેંક (ડિપાર્ટમેન્‍ટ ઓફ પોસ્‍ટ્‍સ) એ સુપર-સિનિયર અને ડિફરન્‍શિયલી-એબલ્‍ડ પેન્‍શનરોને ડોરસ્‍ટેપ DLC સેવાઓ પૂરી પાડી હતી, જ્‍યારે બેંકો, પેન્‍શનર્સ એસોસિએશન અને ફિલ્‍ડ ઓફિસોએ જાગળતિ શિબિરો યોજ્‍યા હતા અને સ્‍થળ પર સહાય પૂરી પાડી હતી.

આ અભિયાનના ભાગરૂપે સલાહકાર શ્રી દિનેશ પાલસિંહે આ સંસ્‍થાની મુલાકાત લીધી હતી.   રાજકોટ ખાતે ડીએલસી કેમ્‍પ અને ડિજિટલ સેવાઓનો લાભ લેતા પેન્‍શનરો સાથે વાતચીત કરી હતી. ડીઓપીપીડબલ્‍યુના અધિકારીઓ, પ્રતિનિધિઓ સાથે બેંક ઓફ બરોડા  અને  ઇન્‍ડિયા પોસ્‍ટ પેમેન્‍ટ્‍સ બેંક, રાજકોટ ખાતે સ્‍થિત, ફેસ ઓથેન્‍ટિકેશન દ્વારા તેમના ડીએલસી જનરેટ કરવામાં પેન્‍શનરોને સહાય કરી હતી અને તેમને આ પ્રક્રિયા વિશે શિક્ષિત કર્યા હતા.  આ ઝુંબેશને દૂરદર્શન, ઓલ ઇન્‍ડિયા રેડિયો, પીઆઈબી રિલીઝ અને સોશિયલ મીડિયા આઉટરીચ દ્વારા વ્‍યાપક કવરેજ કરવામાં આવ્‍યું હતું. (અહેવાલ અને તસ્‍વીરઃ કેતન ખત્રી, અમદાવાદ)