અમદાવાદ: લગ્નસરાની સિઝન અને તહેવારો પહેલા જ સોનાના ભાવમાં આજે, ૧૬ નવેમ્બર, ૨૦૨૫ના રોજ, નોંધપાત્ર ઘટાડો જોવા મળ્યો છે. આંતરરાષ્ટ્રીય બજારમાં ઉતાર-ચઢાવના કારણે ભારતીય બજારમાં સોનાના ભાવ નીચે આવ્યા છે, જે ખરીદદારો માટે રાહતના સમાચાર છે. આજે દેશમાં ૨૪ કેરેટ સોનારૂ.નો સરેરાશ ભાવ રૂ.૧,૨૫,૦૮૦ પ્રતિ ૧૦ ગ્રામ નોંધાયો છે, જ્યારે ૨૨ કેરેટ સોનાનો ભાવ રૂ.૧,૧૪,૬૫૦ છે.
ગુજરાતના મુખ્ય શહેરોમાં સોનાનો ભાવ લગભગ એકસમાન જોવા મળ્યો છે. અમદાવાદ, સુરત, વડોદરા, રાજકોટ, જામનગર, ભાવનગર અને જૂનાગઢ સહિતના તમામ મોટા શહેરોમાં ૨૨ કેરેટ સોનાનો ભાવ રૂ.૧,૧૪,૭૦૦ પ્રતિ ૧૦ ગ્રામ અને ૨૪ કેરેટ સોનાનો ભાવ રૂ.૧,૨૫,૧૩૦ પ્રતિ ૧૦ ગ્રામ પર સ્થિર રહ્યો છે. આ ઘટાડો સોનામાં રોકાણ કરવા માંગતા લોકો માટે એક સારી તક લઈને આવ્યો છે.
અન્ય મહાનગરોની વાત કરીએ તો, રાષ્ટ્રીય સરેરાશ પ્રમાણે મુંબઈ, કોલકાતા, બેંગલુરુ, હૈદરાબાદ અને ચેન્નાઈમાં ૨૪ કેરેટ સોનાનો ભાવ રૂ.૧,૨૫,૦૮૦ નોંધાયો છે. જ્યારે રાજધાની દિલ્હીમાં સોનાનો ભાવ થોડો ઊંચો રહીને ૨૪ કેરેટ માટે રૂ.૧,૨૫,૨૩૦ પ્રતિ ૧૦ ગ્રામ નોંધાયો છે. બજાર નિષ્ણાતોના મતે, આ ઘટાડો વૈશ્વિક પરિબળોને આભારી છે.
સોનાના ભાવમાં આવેલો આ નોંધપાત્ર ઘટાડો સ્થાનિક બજારમાં સોનાની માંગને વેગ આપી શકે છે. ગ્રાહકોને સલાહ આપવામાં આવે છે કે સોનાની ખરીદી કરતા પહેલા સ્થાનિક બુલિયન બજારના ચોક્કસ દરો જાણી લેવા જરૂરી છે.