સાબરકાંઠા જિલ્લામાં ભારે વરસાદના કારણે હિંમતનગર-ધનસુરા સ્ટેટ હાઈવે પર પાણી ભરાઈ જતાં વાહનવ્યવહાર પર ગંભીર અસર પડી છે. ખાસ કરીને હડિયોલ નજીકના વિસ્તારમાં હાઈવે પર પાણી ભરાતા વાહનચાલકોને તીવ્ર મુશ્કેલીનો સામનો કરવો પડી રહ્યો છે. 

  છેલ્લા 24 કલાકથી આ માર્ગ પર સતત પાણી ભરેલા હોવાને કારણે રસ્તો પસાર કરવો જોખમભર્યો બની ગયો છે. યોગ્ય નિકાલ વ્યવસ્થા ના હોઈ વરસાદી પાણીનો વ્હાળો ન થવાથી પરિસ્થિતિ વધુ જટિલ બની છે. અનેક વાહનો પાણીમાં બંધ પડી જતા ટ્રાફિક જામ અને રવાડા જેવી સ્થિતિ સર્જાઈ છે, જે સ્થાનિકો અને મુસાફરો માટે ચિંતાજનક બની છે.