ખેડા જિલ્લાના કપડવંજ તાલુકાની લાલમાંડવા પ્રાથમિક શાળામાં વિદ્યાર્થીઓ અને વાલીઓએ તાળાબંધી કરીને આક્રોશ વ્યક્ત કર્યો છે. લાલમાંડવા ગામમાં હાલ પ્રાથમિક શાળા એટલે કે ધોરણ-8 સુધીનો જ અભ્યાસ ઉપલબ્ધ છે. ધોરણ 9નો વર્ગ શરૂ કરવા માટે શાળાને મંજૂરી મળી ગઈ છે પરંતુ હજુ સુધી શાળામાં ધોરણ-9નો વર્ગખંડ શરૂ ન થતા ગામના વિદ્યાર્થીઓ 3 કિલોમીટર સુધી ચાલીને બીજી શાળામાં જવું પડે છે. વાલીઓએ તાત્કાલિક ગામમાં ધોરણ-9નો વર્ગ શરૂ કરવા માટે માગણી કરી છે.