(ભરત શાહ દ્વારા)રાજપીપળા:નર્મદા જિલ્લાના ડેડીયાપાડા ખાતે આવેલા ધારાસભ્યના કાર્યાલયના સટર ઉપર પેસાબ કરી ગાળો બોલનાર હેડ કોન્સ્ટેબલ વિરૂદ્ધ ગુનો દાખલ થતાં પોલીસે તપાસ હાથ ધરી છે

    પ્રાપ્ત માહિતી અનુસાર જગદીશભાઇ મંછીભાઇ વસાવા (રહે.થાણા ફળીયુ દેડીયાપાડા )નાઓ એ આપેલી ફરિયાદ મુજબ એકતાનગર ટ્રાફિકમાં ફરજ બજાવતા અને ડેડીયાપાડા પારસી ટેકરા ખાતે રહેતા પ્રદીપભાઇ અમરસીંગભાઇ વસાવાએ ધારાસભ્ય ચૈતરભાઇ દામજીભાઇ વસાવાની દેડીયાપાડા લીમડાચોક ખાતે આવેલ ઓફીસના સટર ઉપર પેસાબ કરી જગદીશભાઈ વસાવા તથા ધારાસભ્ય ચૈતરભાઇ દામજીભાઇ વસાવા નાઓનુ નામ લઇને તથા સાહેલભાઇ બાલાસાહેબ રાઠોડનાઓને ગમે તેમ બીભસ્ત ગાળો બોલી જાનથી મારી નાખવાની ધમકી આપી હતી ત્યારબાદ આ કોન્સ્ટેબલને ડેડીયાપાડા પોલીસ મથકે લઇ જતા ત્યાં પણ બેફામ ગાળો બોલી આખું પોલીસ સ્ટેશન ગજવ્યું હતું જેના કારણે જિલ્લાના ઉચ્ચ પોલીસ અધિકારીઓએ પણ ત્યાં દોડવું પડ્યું હતું છતાં આ કોન્સ્ટેબલ વધુ પડતાં નશા માં હોવાથી કોઈનું સંભાળતો નહિ હતો અંતે આ કોન્સ્ટેબલ વિરૂદ્ધ ડેડીયાપાડા પોલીસ સ્ટેશન માં ફરિયાદ થતાં પોલીસે ગુનો દાખલ કર્યો છે