યુવાને પહેલાં બાઇક ઊંચકી અને પછી એ ઊંચકેલી બાઇક પર પત્‍નીને બેસાડી ઉત્તર પ્રદેશના પ્રતાપગઢમાં એક દંપતીએ કરેલો સ્‍ટન્‍ટ ચર્ચાનો વિષય બની ગયો છે. બેલ્‍હાદેવી મંદિર ઘાટ પર આ સ્‍ટન્‍ટ શૂટ કરવામાં આવ્‍યો છે. એમાં યુવક પહેલાં બાઇક ઊંચકે છે અને પછી એ ઊંચકેલી બાઇક પર સાડી પહેરેલી પત્‍ની ચડે છે. બાઇકની સીટ પર બેસીને પોતાની સાડી અને પલ્‍લુ સરખાં કરીને મસ્‍ત પોઝ આપે છે. આ સ્‍ટન્‍ટમાં વાઇફ અને બાઇક બન્નેનું વજન જોઈને ભલભલા લોકો દંગ રહી ગયા છે.