મુંબઇ તા.૨૫: બોલીવુડની દિગ્ગજ અભિનેત્રી કાજોલે તાજેતરમાં પોતાની કારકિર્દીના એક અત્યંત મહત્વપૂર્ણ અને ચર્ચિત નિર્ણય પરથી પડદો ઉઠાવ્યો છે. અભિનેત્રીએ પોતાની લોકપ્રિય વેબ સિરીઝ ધ ટ્રાયલઃ પ્યાર, કાનૂન, ધોખામાં ઓન-સ્ક્રીન કિસિંગ સીન આપીને સૌને આશ્ચર્યચકિત કરી દીધા હતા. આશરે ૩૦ વર્ષ સુધી ફિલ્મી પડદે કિસ ન કરવાના પોતાના કડક પ્રોટોકોલને બાજુ પર મૂકીને કાજોલે આ સાહસિક કદમ ભર્યું હતું. આ બાબતે ખુલાસો કરતા કાજલે જણાવ્યું કે આ માત્ર એક દ્રશ્ય નહોતું, પરંતુ તેના પાત્રની ભાવનાત્મક સફરનો એક અનિવાર્ય ભાગ હતો.

પોતાની ઓટીટી ડેબ્યુ  સિરીઝમાં લિપ-લોક સીન કરવાના નિર્ણય વિશે વાત કરતા કાજોલે એક પોડકાસ્ટ દરમિયાન સ્વીકાર્યું કે તે આ વિચારને લઈને ખૂબ જ અસહજ અનુભવતી હતી. જોકે, સ્ક્રિપ્ટ વાંચ્યા પછી તેને સમજાયું કે આ દ્રશ્ય તેના પાત્રની માનસિક સ્થિતિ અને વાર્તાના પ્રવાહ માટે અત્યંત જરૃરી છે. અભિનેત્રીએ સ્પષ્ટતા કરી કે જો તે આ દ્રશ્ય ન કરતી, તો તેના પાત્રના વ્યકિતત્વનો એક મહત્વનો હિસ્સો અધૂરો રહી જાત. આ નિર્ણય કોઈ પબ્લિસિટી સ્ટંટ નહીં પણ સંપૂર્ણપણે એક પ્રોફેશનલ પસંદગી હતી.

કાજોલે પોતાની લાગણીઓ વ્યકત કરતા કહ્યું કે તે શૂટિગના છેલ્લા દિવસ સુધી આ દ્રશ્ય માટે દ્વિધામાં હતી. સેટ પર હાજર હોવા છતાં તેના મનમાં સતત મંથન ચાલતું હતું કે તે આ નિયમ તોડશે કે નહીં. અંતે, તેણે પોતાના વ્યવસાય પ્રત્યેની પ્રામાણિકતાને મહત્વ આપ્યું અને કેમેરા સામે આ સીન ભજવ્યો. સહ-કલાકાર  સાથેનો આ કિસિગ સીન સોશિયલ મીડિયા પર પણ ખૂબ જ વાયરલ થયો હતો, જેના કારણે ચાહકોમાં વિવિધ ચર્ચાઓ જાગી હતી.

લાંબા સમય સુધી એક ચોક્કસ ઈમેજ જાળવી રાખ્યા બાદ નવી પેઢીના કન્ટેન્ટ અને તેની માંગ મુજબ પોતાની જાતને ઢાળવી તે કોઈપણ કલાકાર માટે પડકારજનક હોય છે. ૫૧ વર્ષની ઉંમરે કાજલે આ પરિવર્તનને અપનાવીને સાબિત કર્યું કે એક કલાકાર તરીકે વિકાસ પામવા માટે પોતાની સીમાઓ  ઓળંગવી જરૃરી છે. આ સિરીઝમાં તેના અભિનયની પણ ખૂબ પ્રશંસા થઈ છે અને તેણે દર્શાવ્યું છે કે વાર્તાની માંગ હોય ત્યારે નિયમોમાં બાંધછોડ કરવી તે કલા પ્રત્યેનું સમર્પણ છે.