અમરેલીના આંબરડી સફારી પાર્કમાં સિંહની પજવણીના વીડિયો મામલે વનમંત્રી અર્જુનભાઈ  મોઢવાડિયાનું નિવેદન સામે આવ્યું છે. વનમંત્રીએ સમગ્ર મામલે તટસ્થ રીતે તપાસ કરવાની ખાતરી આપી છે. તેમણે જણાવ્યું કે, આ ઘટનાની નિષ્પક્ષ તપાસ કરવામાં આવશે અને તપાસ બાદ જે પણ દોષિત જણાશે તેમની વિરુદ્ધ કડક હાથે કાર્યવાહી કરવામાં આવશે. સિંહની પજવણીના વીડિયો વાયરલ થયા બાદ વન્યજીવોની સુરક્ષા અને વનવિભાગની કામગીરી સામે સવાલો ઊઠ્યા છે. ત્યારે હવે તપાસમાં શું સામે આવે છે અને જવાબદારો સામે કેવાં પગલાં લેવાય છે તેના પર સૌની નજર છે.