બેટી ! આ શું કરી રહી છો? સવારના પહોરમાં ! વ્‍હેલી સવારે !

મા ! હું આ રંગોળી રચી રહી છું, હા, રંગોળી પૂરી રહી છું !

કેમ રંગોળી? શા માટે રંગોળી ? એવું શું છે આજે ? કહો

મા! આજે નવ વર્ષનો પ્રારંભ છે ! નવા વર્ષનો પ્રથમ દિન

હા, અને આ દીવડા કેમ? પ્રગટાવ્‍યા છે કેમ આટલા દીવડા?

તે પણ મા! એટલા માટે જ કે આજે વર્ષનો પ્રારંભ છે, હા પ્રારંભ!

નવા વર્ષના પ્રારંભે આ રંગોળી કેમ? અને આટલા દીવડા કેમ?

અરે મા! મારી વાત સાંભળ ! શ્રવણ કરો મારી વાત ! શ્રવણ કરો !

આજે આપણે ઘેર લક્ષ્મીજી પધારવાના છે, હા લક્ષ્મીજી પધારશે!

લક્ષ્મીજીના સ્‍વાગત માટે આ રંગોળી અને આ દીવડા અપાર !

:: આલેખન :: ભાણદેવ મો. ૮૮૪૯૪ ૩૭૩૪૭