<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Monday, 16th November 2026

વેપારીને ‘ડી-કંપની'ના નામે ધમકીઃ ૫ કરોડની ખંડણી માંગી

જો પૈસા નહીં આપવામાં આવે તો જાનથી મારી નાખવાની ધમકી પણ આપવામાં આવી

મુંબઈ,તા.૧૬: મુંબઈમાં એક એવો કિસ્‍સો સામે આવ્‍યો છે જેમાં એક વેપારી પાસે ‘ડી-કંપની‘ (દાઉદ ઈબ્રાહિમની ગેન્‍ગ)ના નામે ૫ કરોડ રૂપિયાની ખંડણી માગવામાં આવી હોવાનો આરોપ છે. સાથે જ, જો પૈસા નહીં આપવામાં આવે તો જાનથી મારી નાખવાની ધમકી પણ આપવામાં આવી હતી. બાંધકામ ક્ષેત્રના વેપારી મોહમ્‍મદ ફારૂક શેખે આ અંગે મુંબઈના જોઈન્‍ટ કમિશનર ઑફ પોલીસ (ક્રાઈમ) સમક્ષ લેખિત ફરિયાદ નોંધાવી છે. આ ફરિયાદમાં બાંધકામ વેપારી રિઝવીની પત્‍ની રૂબીના રિઝવી અને રિયાઝ ભાટીના નામ આપવામાં આવ્‍યા છે. ફરિયાદીના જણાવ્‍યા અનુસાર, આ વિવાદ રિઝવીની આગોતરા જામીન અરજી સાથે જોડાયેલા ‘નો ઓબ્‍જેક્‍શન સર્ટિફિકેટ‘ (NOC) અને કાનૂની ફીને લગતા મુદ્દાઓ પરથી શરૂ થયો હતો. આરોપ છે કે આ વિવાદને કારણે જ ખંડણીની માગણી કરવામાં આવી હતી.

મોહમ્‍મદ ફારૂક શેખની ફરિયાદ મુજબ, ૨૭ સપ્‍ટેમ્‍બરે રિયાઝ ભાટીએજેણે પોતાને ‘ડી-કંપની‘નો મેમ્‍બર ગણાવ્‍યો હતોતેમની પાસે ૫ કરોડ રૂપિયાની માગણી કરી. આરોપ છે કે ભાટીએ તેમને ગંભીર પરિણામો ભોગવવાની, જેમાં જાનથી મારી નાખવાની પણ ધમકી આપી હતી, જો તેઓ પૈસા ન આપે તો. ફરિયાદમાં વધુમાં જણાવાયું છે કે રિયાઝ ભાટી વેપારીની હોટેલ પર ગયો હતો, અને તેનો એક વીડિયો પણ સામે આવ્‍યો છે જેમાં તે કથિત રીતે આવી ધમકીઓ આપતો જોવા મળે છે.

ફરિયાદીએ રૂબીના રિઝવી સામે પણ ગંભીર આરોપો લગાવ્‍યા છે. ફરિયાદ મુજબ, તેમણે ધમકી આપી હતી કે જો ફબ્‍ઘ્‍ આપવામાં નહીં આવે, તો ‘ડી-કંપની‘ દ્વારા તેમની હત્‍યા કરાવી દેવામાં આવશે. રિયાઝ ભાટી અગાઉ પણ ખંડણી અને ધમકાવવાના અનેક કેસોમાં આરોપી રહી ચૂક્‍યો છે. હાલમાં તે જામીન પર બહાર છે.આ કેસની તપાસ મુંબઈ ક્રાઈમ બ્રાન્‍ચના યુનિટ-૨ને સોંપવામાં આવી છે.

(9:51 AM IST)