લખનૌ તા.૧૪: રસ્‍તા પર ખતરનાક રીતે બાઇક ચલાવવાનો એક વીડિયો સોશિયલ મીડિયા પર વાયરલ થયો છે. વીડિયોમાં એક યુવક પોતાની પ્રેમિકાને ચાલુ બાઇકની પેટ્રોલ ટાંકી પર બેસાડીને પૂરપાટ ઝડપે બાઇક ચલાવતો જોવા મળે છે. આ દરમિયાન યુવતી યુવકને ગળે લગાવીને બેઠી છે. આ જોખમી હરકતને કારણે બંનેના જીવ જોખમમાં મુકાયા હતા. વીડિયો સામે આવ્‍યા બાદ પોલીસે કાર્યવાહી શરૂ કરી છે.

હકીકતમાં, આ વાયરલ વીડિયો ઉત્તર પ્રદેશના કૌશાંબીનો હોવાનું કહેવાય છે. વીડિયોમાં લાલ રંગની સ્‍પોર્ટ્‍સ બાઇક પર યુવક પોતાની મહિલા મિત્રને આગળ પેટ્રોલની ટાંકી પર પોતાની તરફ મોં રાખીને બેસાડે છે. પીળા રંગનું ટોપ પહેરેલી યુવતી યુવકને ગળે લગાવેલી જોવા મળે છે. યુવક આ સ્‍થિતિમાં ખાલી રસ્‍તા પર ઝડપથી બાઇક ચલાવી રહ્યો છે.

રસ્‍તા પરથી પસાર થતા લોકો આ દ્રશ્‍ય જોઈને આﾍર્યચકિત થઈ ગયા હતા. પાછળથી આવતી કેટલીક કારમાં બેઠેલા લોકોએ પોતાના મોબાઇલમાં આ ઘટનાનો વીડિયો ઉતારી લીધો હતો. ત્‍યારબાદ આ વીડિયો સોશિયલ મીડિયા પર વાયરલ થયો હતો. સદનસીબે આ દરમિયાન કોઈ અકસ્‍માત થયો નહોતો, પરંતુ બાઇકનું સંતુલન બગડ્‍યું હોત તો બંનેના જીવ જોખમમાં મુકાઈ શક્‍યા હોત.

ટ્રાફિક નિયમોનો ખુલ્‍લેઆમ ભંગ કરતો આ વીડિયો સામે આવ્‍યા બાદ કૌશાંબી પોલીસે ઘટનાની નોંધ લીધી છે. વીડિયોમાં બાઇકનો રજિસ્‍ટ્રેશન નંબર પણ સ્‍પષ્ટ દેખાતો હોવાનું કહેવાય છે. પોલીસ નંબરના આધારે યુવકની ઓળખ કરી રહી છે અને મોટર વાહન અધિનિયમ હેઠળ કાર્યવાહી કરવાની તૈયારી કરી રહી છે.