તા. ૨૧ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૨ શનિવાર
News of Saturday, 21st November 2026
ભારતના સૌથી મોટા રાજય યુપીના રાજયપાલ આનંદીબેનનો જન્મદિન

રાજકોટઃ ભારતના સૌથી મોટા રાજય ઉત્તર પ્રદેશના રાજયપાલ શ્રીમતી આનંદીબેન પટેલનો જન્મ ૧૯૪૧ ના વર્ષની ૨૧ નવેમ્બરે થયેલ આજે ૮૬ માં વર્ષના દ્વાર ખટખટાવ્યા છે.
મૂળ મહેસાણા જિલ્લાના વીજાપુર તાલુકાના ખરોડ ગામના વતની શ્રીમતી આનંદીબેન વિદ્યાર્થી કાળથી જ નેતળત્વના ગુણ ધરાવે છે. શાળામાં તેમને રમતગમત ક્ષેત્રે શ્રેષ્ઠ દેખાવ બદલ ‘વીરબાળા' પુરસ્કાર મળેલ અમદાવાદની મોંઘીબા કન્યા વિદ્યાલયમાં ૩ દાયકા સુધી શિક્ષિકા તરીકે સેવા આપેલ રાજયસભાના સભ્ય, ભાજપ મહિલા મોરચાના પ્રમુખ ઉપરાંત સરકારમાં દોઢ દાયકા સુધી શિક્ષણ, માર્ગ . મકાન, મહેસુલ, શહેરી વિકાસ વગેરે વિભાગોના કેબીનેટ મંત્રી પદે રહી ચૂકયા છે. ૨૪ મે ૨૦૧૪ થી ૬ ઓગસ્ટ ૨૦૧૬ સુધી ગુજરાતના પ્રથમ મહિલા મુખ્યમંત્રી તરીકે તેમણે ફરજ બજાવેલ. મુખ્યમંત્રી પદેથી નિવળત થયા બાદ પહેલા મધ્ય પ્રદેશમાં અને હાલ ઉત્તર પ્રદેશમાં રાજયપાલ તરીકે કાર્યરત છે. બે રાજયમાં રાજયપાલ બનનાર તેઓ એક માત્ર ગુજરાતી મહિલા છે. ફ્રોન નં. ૦૫૨૨-૨૨૩૬૪૯૭, ૨૨૩૬૩૨૨ મો. ૯૯૭૮૪ ૦૬૩૫૬ (પી.એસ.)
(11:34 AM IST)









છેલ્લા 8 દિવસમાં સૌથી લોકપ્રિય 
