News of Saturday, 9th August 2025
જેલમાંથી 3 કરોડની કારમાં બહાર આવ્યા 'છોટે સરકાર' અનંત સિંહ, તેમની સંપત્તિ જાણીને તમે પણ ચોંકી જશો!
આ વખતે તે નીતિશ કુમારની પાર્ટી તરફથી ચૂંટણી લડશે: પોતાના આગવા અંદાજમાં તેણે મજાક કરતા કહ્યું કે તે આ વખતે નીતિશ કુમારને સોનાથી તોળશે.

બિહારના રાજકારણના બાહુબલી નેતા અને 'છોટે સરકાર' તરીકે જાણીતા અનંત સિંહ એકવાર ફરી ચર્ચામાં છે. 7 મહિના જેલમાં રહ્યા બાદ, તેમણે જેલમાંથી ભવ્ય રીતે એન્ટ્રી કરી છે. મોકામાના આ પૂર્વ ધારાસભ્ય ગુરુવાર, 7 ઑગસ્ટના રોજ એકદમ જોરદાર ઠાઠ-માઠ સાથે જેલમાંથી બહાર આવ્યા.
જ્યારે અનંત સિંહ પટનાની બેઉર જેલમાંથી બહાર નીકળ્યા, ત્યારે તેમના સ્વાગત માટે સમર્થકોનું એક મોટું ટોળું હાજર હતું. પણ સૌથી વધુ ધ્યાન ખેંચનારી બાબત હતી તેમની ગાડી! બાહુબલી નેતા 3.5 કરોડની Land Cruiser કારમાં બેસીને બહાર આવ્યા હતા.
અહીં સવાલ એ થાય છે કે જેલમાંથી બહાર નીકળ્યા પછી 3 કરોડની ગાડીમાં ફરતા આ નેતા પાસે આખરે કુલ કેટલી સંપત્તિ છે? મીડિયા રિપોર્ટ્સ અનુસાર, મોકામાના પૂર્વ ધારાસભ્ય અનંત સિંહની કુલ સંપત્તિ 68 કરોડ રૂપિયાથી પણ વધુ છે!
તેમની સંપત્તિની વિગતો જાણશો તો નવાઈ લાગશે:
• બેંક ખાતામાં 41 લાખ રૂપિયાથી વધુની રકમ છે.
• 4 કરોડ રૂપિયાથી વધુના બોન્ડ અને શેર પણ તેમની પાસે છે.
• તેમની પત્ની સાથે મળીને તેમની પાસે 31 લાખ રૂપિયાથી વધુના સોના-ચાંદીના ઘરેણાં છે.
• અનંત સિંહને હાથી અને ઘોડા જેવા પ્રાણીઓનો પણ ખૂબ શોખ છે.
આ વખતે જેલમાંથી બહાર આવીને અનંત સિંહે બિહારની રાજનીતિમાં હલચલ મચાવી દીધી છે. તેમણે જાહેરાત કરી છે કે તેઓ આ વખતે નીતિશ કુમારની પાર્ટી તરફથી ચૂંટણી લડશે. અને પોતાના આગવા અંદાજમાં તેમણે મજાક કરતા કહ્યું કે તેઓ આ વખતે નીતિશ કુમારને સોનાથી તોળશે. આ વાતથી સ્પષ્ટ થાય છે કે બિહારના આગામી રાજકારણમાં 'છોટે સરકાર' ફરી એકવાર એક મોટું નામ બનીને ઉભરી આવશે.
(10:47 PM IST)









છેલ્લા 8 દિવસમાં સૌથી લોકપ્રિય 
