અમદાવાદ શહેરમાં BRTS કોરિડોરમાં થતા જીવલેણ અકસ્માતોને અટકાવવા માટે તંત્ર દ્વારા કડક વલણ અપનાવવામાં આવ્યું છે. અમદાવાદ મ્યુનિસિપલ કોર્પોરેશન (AMC) કમિશ્નરના આદેશ બાદ BRTS અને અમદાવાદ ટ્રાફિક પોલીસ દ્વારા સંયુક્ત રીતે ખાસ ઝુંબેશ હાથ ધરવામાં આવી છે. આ સંયુક્ત કાર્યવાહી અંતર્ગત નિયમોનો ભંગ કરીને BRTS કોરિડોરમાં ગેરકાયદેસર રીતે વાહન હંકારતા ખાનગી વાહનચાલકોને રોકીને તેમની સામે દંડનીય કાર્યવાહી કરવામાં આવી રહી છે, જે અંતર્ગત નિયમ ભંગ કરનાર દરેક વાહનચાલક પાસેથી સ્થળ પર જ 500 રૂપિયાનો દંડ વસૂલવામાં આવી રહ્યો છે.