છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
નાગપુર- વારાણસીઃ ગઢમાં ગાબડાં...
સંઘના સામ્રાજય અને વડાપ્રધાનના મતવિસ્તારમાં ભાજપનો પરાજય ઓવરકોન્ફીડન્સ કે જનતાની ચેતવણી?
તાજેતરના રાજકીય ઘટનાક્રમે ભારતીય જનતા પાર્ટી માટે ખતરાની ઘંટડી વગાડી દીધી છે. એક તરફ ઉત્તર પ્રદેશમાં વડાપ્રધાન નરેન્દ્ર મોદીના મુખ્ય સંસદીય મતવિસ્તાર વારાણસીમાં ભાજપને MLC ચૂંટણીમાં પરાજયનો સ્વાદ ચાખવો પડ્યો છે. ઉત્તર પ્રદેશ સરકારના ચાર-ચાર દિગ્ગજ મંત્રીઓ મેદાનમાં હતા, ત્યાં સમાજવાદી પાર્ટીએ સ્થાનિક સ્નાતક અને શિક્ષક એમ બંને બેઠકો પર શાનદાર વિજય મેળવ્યો છે.
બીજી તરફ, મહારાષ્ટ્રના નાગપુરમાંﾗજે રાષ્ટ્રીય સ્વયંસેવક સંઘનું મુખ્ય મથક તેમજ કેન્દ્રીય અને રાજ્ય સ્તરના શીર્ષ નેતળત્વનું ગળહનગર છેﾗત્યાં પણ ભાજપને મોટો પરાજયનો સામનો કરવો પડ્યો છે. આ પરિણામો માત્ર બેઠકોની હાર નથી, પરંતુ શાસક પક્ષ માટે એક ગંભીર ચેતવણી હોય તેમ લાગે છે. નાગપુરમાં કોંગ્રેસના ઉમેદવારની જીત થઇ છે.
વારાણસી અને નાગપુરના પરાજય પાછળના મુખ્ય કારણોમાં વધુ પડતો આત્મવિશ્વાસ હોય તેમ લાગે છે. વારાણસીમાં ચાર મંત્રીઓની હાજરી અને નાગપુરમાં RSSની પળષ્ઠભૂમિ હોવાના કારણે પક્ષના નેતાઓમાં એવો અતિ આત્મવિશ્વાસ ઘર કરી ગયો હતો કે આ પરંપરાગત ગઢોમાં હારવું અશકય છે. આ ઓવરકોન્ફીડન્સને કારણે જમીની સ્તરે પાયાના મતદારો સુધી પહોંચવામાં ગંભીર બેદરકારી દાખવવામાં આવી.
શિક્ષિત અને સ્નાતક મતદારોનો અસંતોષ પણ જોવા મળ્યો હતો. આ બંને ચૂંટણીઓ સામાન્ય જનતાની નહીં, પણ શિક્ષિત સ્નાતકો અને શિક્ષકોની હતી. યુવાનોમાં વ્યાપક બેરોજગારી, પેપર લીક પ્રકરણો, શિક્ષણ ક્ષેત્રની અવ્યવસ્થા અને જૂની પેન્શન યોજના જેવા મુદ્દાઓ પર વ્યાપક રોષ પ્રવર્તતો હતો. શિક્ષિત વર્ગે સરકારની નીતિઓ સામે મતદાન દ્વારા અસંતોષ સ્પષ્ટપણે વ્યક્ત કર્યો.
આ કારણો ઉપરાંત સંગઠનમાં આંતરિક અસંતોષ અને મતભેદો પણ ઉભર્યા હતા. બંને સ્થાનો પર પક્ષના આંતરિક સંકલનનો અભાવ સ્પષ્ટ દેખાયો. નાગપુરમાં હજારો મતો અવેધ-રદ થવા અને બીજા ક્રમની પસંદગીના મતોનું યોગ્ય વ્યવસ્થાપન ન થવું એ સંગઠનની નિષ્ક્રિયતા દર્શાવે છે. જ્યારે વારાણસીમાં વિપક્ષ સપાએ ખૂબ જ સાવચેતીપૂર્વક અને રણનીતિબદ્ધ રીતે શિક્ષક-સ્નાતક સંગઠનોને સાથે રાખીને પકડ મજબૂત કરી હતી.
બંને પરિણામોનું નિષ્કર્ષ એ નીકળે છે કે, માત્ર મોટા નામો, પદો કે ધાકધમકીના જોરે હવે ચૂંટણી જીતી શકાતી નથી. જો જમીની વાસ્તવિકતાઓ અને જનતાના અવાજની સતત ઉપેક્ષા કરવામાં આવે, તો અજેય ગણાતા ગઢ પણ ધરાશાયી થઈ શકે છે. ભાજપ માટે આ પરિણામો માત્ર એક ઝટકો નથી, પરંતુ આગામી સમય માટે ગંભીર આત્મચિંતન અને સુધારાનો મોટો સંદેશ છે.
(10:47 AM IST)
