નવી દિલ્હી :  ભારતીય ક્રિકેટના દિગ્ગજ ખેલાડી સુનિલ ગાવસ્કરે યુવા ઓપનર વૈભવ સૂર્યવંશીને મેચમાંથી પડતો મૂકવાના નિર્ણય સામે આકરો વિરોધ નોંધાવ્યો છે. ગાવસ્કરે ટીમ મેનેજમેન્ટની આ રણનીતિની આકરી આલોચના કરતા સ્પષ્ટ શબ્દોમાં કહ્યું છે કે, માત્ર ૧૫ વર્ષના બાળક સાથે આ પ્રકારનો વ્યવહાર ન્યાયી નથી.
તાજેતરની મેચોમાં શાનદાર પ્રદર્શન કરવા છતાં વૈભવને પ્લેઈંગ ઈલેવનમાંથી બહાર રાખવામાં આવતા ગાવસ્કર મેનેજમેન્ટ પર ભડક્યા હતા. તેમણે જણાવ્યું કે, "આ ઉંમરે ખેલાડીને મેદાન પર સતત તકો આપીને તેનો આત્મવિશ્વાસ વધારવાનો હોય છે. આ રીતે તેને અચાનક બહાર બેસાડી દેવાથી તેની માનસિકતા પર નકારાત્મક અસર પડી શકે છે."
ક્રિકેટ નિષ્ણાતોનું પણ માનવું છે કે વૈભવ સૂર્યવંશી ભારતીય ક્રિકેટનું ભવિષ્ય છે. તેવામાં ગાવસ્કર જેવા સિનિયર ખેલાડીએ તેની વહારે આવીને મેનેજમેન્ટની પસંદગી પ્રક્રિયા સામે મોટા સવાલો ઊભા કરી દીધા છે, જેના કારણે સોશિયલ મીડિયા પર પણ આ મુદ્દે ભારે ચર્ચા જાગી છે.