ઇન્ડિયન પ્રીમિયર લીગ (IPL) 2026 ની સીઝન હવે તેના અંતિમ તબક્કા તરફ આગળ વધી રહી છે. લીગ સ્ટેજની મેચો પૂર્ણ થયા બાદ પ્લેઓફનું ચિત્ર સ્પષ્ટ થઈ ગયું છે. આ સીઝનમાં રોયલ ચેલેન્જર્સ બેંગલુરુ (RCB) એ શાનદાર પ્રદર્શન કરતા પોઇન્ટ ટેબલમાં પ્રથમ સ્થાન મેળવ્યું છે. બીજી તરફ, બેટિંગમાં ગુજરાત ટાઇટન્સના સાઈ સુદર્શન અને બોલિંગમાં RCB ના ભુવનેશ્વર કુમારે પોતાનો દબદબો જાળવી રાખ્યો છે.

પોઇન્ટ ટેબલ: પ્લેઓફની રેસ થઈ પૂર્ણ

લીગ સ્ટેજની 14 મેચોના અંતે ટોપ-4 ટીમો ક્વોલિફાય થઈ ચૂકી છે:

ક્રમટીમમેચજીતહારપોઇન્ટ્સનેટ રન રેટ (NRR)1RCB (Q)149518+0.7832GT (Q)149518+0.6953SRH (Q)149518+0.5244RR (Q)148616+0.189

RCB, ગુજરાત ટાઇટન્સ અને સનરાઇઝર્સ હૈદરાબાદ ત્રણેય ટીમો 18 પોઇન્ટ્સ સાથે સમાન સ્તરે હતી, પરંતુ સારા રન રેટના આધારે બેંગલુરુ ટોપ પર રહ્યું છે. પંજાબ કિંગ્સ (PBKS) 15 પોઇન્ટ્સ સાથે પાંચમા ક્રમે રહીને પ્લેઓફની રેસમાંથી બહાર થઈ ગઈ છે. મુંબઈ ઇન્ડિયન્સ (MI) અને લખનઉ સુપર જાયન્ટ્સ (LSG) માટે આ સીઝન નિરાશાજનક રહી હતી, બંને ટીમો માત્ર 4-4 મેચ જીતી શકી હતી.

ગુજરાત ટાઇટન્સના યુવા ઓપનર સાઈ સુદર્શન પાસે હાલમાં ઓરેન્જ કેપ છે. તેણે 14 મેચમાં 49.08 ની સરેરાશથી સૌથી વધુ રન બનાવ્યા છે.

ટોપ-3 બેટ્સમેનો: 

• 1) સાઈ સુદર્શન (GT): 638 રન (14 મેચ)
• 2) શુભમન ગિલ (GT): 616 રન (13 મેચ)
• 3) હેનરિક ક્લાસેન (SRH): 606 રન (14 મેચ)

નોંધનીય છે કે, વૈભવ સૂર્યવંશીએ માત્ર 14 મેચમાં 232.27 ના વિસ્ફોટક સ્ટ્રાઈક રેટથી 583 રન બનાવીને સૌનું ધ્યાન ખેંચ્યું છે, જેમાં તેણે આ સીઝનમાં સૌથી વધુ 53 છગ્ગા ફટકાર્યા છે.

બોલિંગમાં અનુભવી ભુવનેશ્વર કુમાર અને કાગીસો રબાડા વચ્ચે પર્પલ કેપ માટે કાંટાની ટક્કર જોવા મળી રહી છે. બંનેના નામે 24-24 વિકેટ છે, પરંતુ સારા ઇકોનોમી રેટના કારણે ભુવનેશ્વર અત્યારે મોખરે છે.

ટોપ-3 બોલરો:

• 1) ભુવનેશ્વર કુમાર (RCB): 24 વિકેટ (18.50 સરેરાશ)
• 2) કાગીસો રબાડા (PBKS): 24 વિકેટ (20.54 સરેરાશ)
• 3) જોફ્રા આર્ચર (RR): 21 વિકેટ (21.71 સરેરાશ)

CSKના અંશુલ કંબોજે પણ શાનદાર બોલિંગ કરતા 21 વિકેટ ઝડપી છે. રાશિદ ખાન અને એશાન મલિંગા 19-19 વિકેટ સાથે યાદીમાં સામેલ છે.