નવી દિલ્હી: ભારતની અંડર-૧૯ ટીમે આર. પ્રેમદાસા સ્ટેડિયમ ખાતે બીજી બિનસત્તાવાર ટેસ્ટ મેચના પહેલા દિવસે શાનદાર બેટિંગ પ્રદર્શન કર્યું. શરૂઆતના દિવસે માત્ર ૬૫ ઓવર રમાઈ હતી, જેમાં મુલાકાતીઓએ ૩ વિકેટ ગુમાવીને ૨૫૩ રન બનાવ્યા હતા. વરસાદ પછી ભીના આઉટફિલ્ડને કારણે ચાર દિવસીય મેચ માટે ટોસ મોડી પડી હતી. શ્રીલંકાના કેપ્ટન વિમથ દિનાસારાએ ટોસ જીતીને ભારતને પ્રથમ બેટિંગ માટે આમંત્રણ આપ્યું હતું. મુલાકાતીઓની શરૂઆત ખૂબ જ ખરાબ રહી હતી, બંને ઓપનર, રાજેશ રાયચંદાની (૦) અને સાગર વિર્ક (૦) છ ઓવરમાં ગુમાવી દીધા હતા. ત્યાં સુધીમાં, ટીમે પોતાનું ખાતું પણ ખોલ્યું ન હતું. ત્યારબાદ કુશાગ્ર ઓઝાએ કેપ્ટન યશવર્ધન ચૌહાણ સાથે ઇનિંગને સ્થિર કરી, ૧૪૪ બોલમાં ત્રીજી વિકેટ માટે ૧૨૨ રન ઉમેર્યા. યશવર્ધન ચૌહાણ ૮૯ બોલમાં ૭૮ રન બનાવીને આઉટ થયા, જેમાં બે છગ્ગા અને ૧૧ ચોગ્ગાનો સમાવેશ થાય છે. ત્યાંથી, કુશાગ્રે, મનલ ચૌહાણ સાથે મળીને ઇનિંગને સ્થિર કરી. પ્રથમ દિવસના અંત સુધીમાં, આ જોડીએ 210 બોલમાં 131 રનની ભાગીદારી કરી હતી.હાલમાં, કુશાગ્ર ઓઝા 177 બોલમાં 2 છગ્ગા અને 11 ચોગ્ગા સાથે 103 રન બનાવીને અણનમ છે, જ્યારે મનલ ચૌહાણે 108 બોલમાં 7 ચોગ્ગા સાથે 55 રન બનાવ્યા છે. વિરોધી ટીમ તરફથી, ગિમ્હન મેન્ડિસે 42 રનમાં 2 વિકેટ લીધી છે, જ્યારે સેથમિકા સેનેવિરત્નેએ 1 વિકેટ લીધી છે.શ્રીલંકાએ ત્રણ મેચની બિનસત્તાવાર ODI શ્રેણી 2-1થી જીતી હતી, ત્યારબાદ બિનસત્તાવાર ટેસ્ટ શ્રેણીની પ્રથમ મેચ ડ્રો રહી હતી.