ડકાર : સેનેગલના ડકાર ખાતે યોજાઈ રહેલા યુથ ઑલિમ્પિક્સમાં ભારતનું પ્રતિનિધિત્વ કરતી કર્ણાટકની ૧૬ વર્ષીય યુવા સ્વિમર ધિનિધી દેસિન્ગુએ શાનદાર પ્રદર્શન કરતા ૨૦૦ મીટર ફ્રીસ્ટાઇલ સ્વિમિંગ ઇવેન્ટમાં ત્રીજું સ્થાન પ્રાપ્ત કરીને બ્રૉન્ઝ મેડલ પોતાના નામ કર્યો છે.

પ્રાપ્ત વિગતો અનુસાર, આ અગાઉ ૧૦૦ મીટર ફ્રીસ્ટાઇલમાં પણ કાંસ્યચંદ્રક જીતી ચૂકેલી ધિનિધી યુથ ઑલિમ્પિક્સના ઇતિહાસમાં એક જ આવૃત્તિમાં બે મેડલ જીતનારી પ્રથમ ભારતીય મહિલા એથ્લીટ બનવાની ગૌરવવંતી સિદ્ધિ હાંસલ કરી છે.

એક સમય એવો હતો કે જ્યારે ધિનિધીને પાણીથી ડર લાગતો હતો અને તે સ્વિમિંગ પૂર્વે પૂલમાં ઉતરવાથી સંકોચ અનુભવતી હતી, પરંતુ માતાના પ્રોત્સાહન અને કઠોર પરિશ્રમની તાકાતે આજે તેને વૈશ્વિક મંચ પર ભારતની શાન વધારી દીધી છે.

આ સ્પર્ધામાં ભારત માટે અન્ય ખેલાડીઓએ પણ શ્રેષ્ઠ દેખાવ કર્યો છે, જેમાં તીર્થંક પેગુએ મેન્સ સ્વિમિંગની ૨૦0 મીટર બટરફ્લાયમાં અને વુશુ ખેલાડી લૅન્ચેન્બી ચાનુએ વિમેન્સ ચૅન્ગક્વાન કેટેગરીમાં બ્રૉન્ઝ મેડલ જીતીને દેશની ગરિમા વધારી છે.

હાલમાં ચાલી રહેલા આ યુથ રમતોત્સવમાં ભારતીય દળે અત્યાર સુધીમાં કુલ છ મેડલ મેળવ્યા છે, જેમાં બે સિલ્વર અને ચાર બ્રૉન્ઝ મેડલનો સમાવેશ થાય છે, જ્યારે ચીન નવ ગોલ્ડ સાથે મેડલ ટેલીમાં મોખરે છે.

આગામી સમયમાં આ યુવા અને પ્રતિભાશાળી ખેલાડીઓ પાસેથી વ્યાવસાયિક સ્તરે પણ વધુ ઉત્કૃષ્ટ પ્રદર્શનોની આશા રાખવામાં આવી રહી છે, જે ભારતીય રમતના ભવિષ્ય માટે અત્યંત પ્રોત્સાહક સાબિત થશે.