નવી દિલ્‍હી : અંગ્રેજો સામેની ટી૨૦ સિરીઝમાં ભારતીય ક્રિકેટ ટીમનો રકાસ યથાવત રહ્યો છે. ચોથી ટી૨૦ મેચમાં પણ ટીમ ઇન્‍ડિયાએ અત્‍યંત શરમજનક શરણાગતિ સ્‍વીકારી લીધી છે. ઇંગ્‍લેન્‍ડની ટીમે ભારતીય સિંહોને એવા પછાડ્‍યા છે કે ભારતીય ટીમ ચારેય ખાને ચિત્ત થઈ ગઈ છે. આ મેચમાં પ્રવાસી ઇંગ્‍લેન્‍ડની ટીમે ભારતને ૯ વિકેટે કારમી અને શરમજનક હાર આપીને સિરીઝ પર ધમાકેદાર અંદાજમાં કબજો જમાવી લીધો છે. ભારતીય ટીમની આ શરણાગતિથી ક્રિકેટપ્રેમીઓમાં ભારે આક્રોશ ફાટી નીકળ્‍યો છે.

મેચની શરૂઆતથી જ ભારતીય ટીમ બેકફૂટ પર જોવા મળી હતી. ટોસ જીત્‍યા બાદ કેપ્‍ટનશિપ અને બેટિંગ લાઇન-અપ પત્તાના મહેલની જેમ વિખેરાઈ ગઈ હતી. કોઈ પણ ભારતીય બેટ્‍સમેન ક્રિઝ પર ટકીને લાંબી ઇનિંગ રમી શકયો નહોતો અને સમયાંતરે વિકેટો પડતી રહી હતી. જેવી તવી રીતે ઊભો કરવામાં આવેલો ટાર્ગેટ ઇંગ્‍લેન્‍ડ જેવી મજબૂત ટીમ સામે બિલકુલ વામણો સાબિત થયો હતો.

બેટિંગમાં ફિયાસ્‍કો થયા બાદ આશા બોલરો પર ટકેલી હતી, પરંતુ ભારતીય બોલિંગ આક્રમણ પણ સાવ નખશિખ ફ્‌લોપ સાબિત થયું હતું. ઇંગ્‍લેન્‍ડના ઓપનરોએ ભારતીય બોલર્સની લાઇન અને લેન્‍થ બગાડી નાખીને ચોગ્‍ગા-છગ્‍ગાનો વરસાદ કર્યો હતો. અંગ્રેજ બેટ્‍સમેનોએ માત્ર એક વિકેટ ગુમાવીને ભારતે આપેલા લક્ષ્યાંકને રમતા-રમતા આંબી લીધો હતો. આ કારમી હાર સાથે જ સિરીઝ હાથમાંથી સરકી ગઈ છે, જેને પગલે હવે ટીમ ઇન્‍ડિયાની રણનીતિ, પ્‍લેઇંગ ઇલેવનની પસંદગી અને ખેલાડીઓના ફોર્મ સામે સો ટકા સવાલો ઊભા થઈ રહ્યા છે.