નવી દિલ્‍હીઃ ભારતીય ફુટબોલ પ્રેમીઓ માટે એક ઐતિહાસિક સમાચાર સામે આવ્‍યા છે. ઓલ ઈન્‍ડિયા ફુટબોલ ફેડરેશન   દ્વારા સત્તાવાર જાહેરાત કરવામાં આવી છે કે ૫ વખતની વર્લ્‍ડ ચેમ્‍પિયન બ્રાઝિલની સિનિયર પુરુષ ફુટબોલ ટીમ ભારત પ્રવાસે આવી રહી છે. આ પ્રવાસ દરમિયાન ભારત અને બ્રાઝિલ વચ્‍ચે આગામી તા. ૩ ઓક્‍ટોબરના રોજ કોલકાતા ખાતે આંતરરાષ્‍ટ્રીય ફ્રેન્‍ડલી મેચ યોજાશે.

કોલકાતાના પ્રખ્‍યાત વિવેકાનંદ યુવ ભારતી ક્રીડાંગણ (સોલ્‍ટ લેક સ્‍ટેડિયમ) ખાતે આ મહામુકાબલો રમાશે. વિશ્વ ફુટબોલના સુપરસ્‍ટાર ખેલાડીઓ નેમાર   અને વિનિસિયસ જૂનિયર સહિતના ખેલાડીઓ ભારતીય મેદાન પર પોતાના કૌશલ્‍યનો જાદુ વિખેરતા જોવા મળશે.

બ્રાઝિલિયન ફુટબોલ કન્‍ફેડરેશન  અને ભારતીય રમતગમત આયોજકો વચ્‍ચે કરારની અંતિમપ્રક્રિયા પૂર્ણ કરી લેવામાં આવી છે. આંતરરાષ્‍ટ્રીય ફીફા વિંડો  દરમિયાન આ મેચનું આયોજન થશે, જેમાં એશિયાના અન્‍ય દેશોને પાછળ છોડીને ભારતે આ મેચ યોજવાની યજમાની પ્રાપ્ત કરી છે.